تحديـــث
اولا عايزة اقولكوا كل سنة و انتوا طيبييييين
و يارب يبقي رمضان السنادي جميل علي كووووول الناس
ثانيا عايزاكوا تباركولي جداااا
اول امبارح مضيت عقد ديواني الأول الحمد لله
بجد اليوم ده كان من اسعد الايام اللي عدت عليا
و ان شاء الله هنبدأ نشتغل فيه بعد رمضان يعني عشان يكون جاهز علي نص 11 كده ان شاء الله
عايزة اقول كمان شكرااااااااااا بجد لكوووول اللي كانوا بيشجعوني و خلوني اكمل كتابة و شكرا كمان للي خلوني اكتب من الاول
بجد جزاكم الله عني كل خير
هقولكوا دايما اخر الاخباااار
و متنسوش تدعولي
:))
اسيبكوا بقي مع البوست ...
***********************
عادت …
عادت .. و لما استنفذت ما تملكه من قوة و تحدي ..
عادت .. لتستمد قواها من موطنها الأصلي ..
عادت .. و كلها أمل في غد مشرق قريب ..
عادت .. لتجدهم قد ذهبوا جميعا .. و إلي أين لا تدري ..
تذكرت أحداث ماضية .. و كيف ذهبت و كيف لم يرضوا لها بالذهاب .. و ها هي قد عادت لتجدهم قد ذهبوا بدلا منها ..
انتظرت كثيرا قبل أن تقرر الرحيل ثانية .. و أخيرا لملمت أنفاسها و ارتدت رداء قوتها المتبالي .. و قررت الرحيل ..
رحيل من دنيا إلي أخري ..
لا تدري وجهتها و لكنها فقط تريد الرحيل .. الرحيل بعيدا من هنا ..
أوقفت سيارة أجرة و ركبت و ساد صمت طويل لم يفيقها منه سوي صوت اصطدام السيارة ..
أصوات و هتافات و زعيق .. و كأنها تحرضها علي العودة ..
خيل لها وسط هؤلاء شخصا رأته من قبل .. أو ربما قد تشابهت الأشكال .. حدقت نظرها و تمعنت به لتجده هو الاخر ينظر إليها و قد تملكته الحيرة و الذهول ..
نعم انه هو .. قد تغيرت ملامحه كثيرا .. و لكنه هو .. قد انتظرها كثيرا و لكن قد فني الصبر ..
و ها هي قد أتت ..
دارت أحداث .. ذكريات و خيالات .. دار كل شئ بذهنها .. اختلطت مشاعر السعادة بالفضول بالحزن بالترقب .. مشاعر غريبة متضاربة و لكن سرعان ما أفاقت منها عندما لمحت بيده طفلا يصيح هيا أبي كفانا وقوفا !!
لم تدري إلا و هي غارقة بين ذكريات ممزوجة ببعض دموع العمر .. قد باعت حلمها .. و قررت الرحيل بحثا عن الثروة .. الثروة التي لا تعوض صاحبها عن مشاعر صادقة لا تشتري و لا تبتاع ..
عذرا سيدتي لن استطع ايصالك !!
هكذا قال سائق السيارة بعد أن تكسرت سيارته .. نزلت و جمعت حاجياتها و معها أنفاسها و تركت نفسها لساقيها تأخذها أين تشاء .. و لم تدري إلا و هي في بيتها البالي القديم .. لم تشعر براحة طوال سنين سفرها كما هي الآن .. معها من النقود ما تبتاع به أفخم بيت في أرقي مكان .. و لكنها الآن قد تعلمت الدرس !!
تعلمت أن راحة النفوس أهم بكثير من راحة الأبدان ..
تعلمت أن ثروة القلوب أقيم ألف مرة من ثروة الجيوب ..
تعلمت أن الدنيا قد تأخذنا و قد نأخذها ..
تعلمت أنه ليس كل شئ يشتري بالمال ..
فالحب و الرضا و السعادة و الأمان كلها معان ٍ لا تشتري إلا بالعطاء ..
تعلمت الآن معني الحياة !!
21/1/2008
عادت .. و لما استنفذت ما تملكه من قوة و تحدي ..
عادت .. لتستمد قواها من موطنها الأصلي ..
عادت .. و كلها أمل في غد مشرق قريب ..
عادت .. لتجدهم قد ذهبوا جميعا .. و إلي أين لا تدري ..
تذكرت أحداث ماضية .. و كيف ذهبت و كيف لم يرضوا لها بالذهاب .. و ها هي قد عادت لتجدهم قد ذهبوا بدلا منها ..
انتظرت كثيرا قبل أن تقرر الرحيل ثانية .. و أخيرا لملمت أنفاسها و ارتدت رداء قوتها المتبالي .. و قررت الرحيل ..
رحيل من دنيا إلي أخري ..
لا تدري وجهتها و لكنها فقط تريد الرحيل .. الرحيل بعيدا من هنا ..
أوقفت سيارة أجرة و ركبت و ساد صمت طويل لم يفيقها منه سوي صوت اصطدام السيارة ..
أصوات و هتافات و زعيق .. و كأنها تحرضها علي العودة ..
خيل لها وسط هؤلاء شخصا رأته من قبل .. أو ربما قد تشابهت الأشكال .. حدقت نظرها و تمعنت به لتجده هو الاخر ينظر إليها و قد تملكته الحيرة و الذهول ..
نعم انه هو .. قد تغيرت ملامحه كثيرا .. و لكنه هو .. قد انتظرها كثيرا و لكن قد فني الصبر ..
و ها هي قد أتت ..
دارت أحداث .. ذكريات و خيالات .. دار كل شئ بذهنها .. اختلطت مشاعر السعادة بالفضول بالحزن بالترقب .. مشاعر غريبة متضاربة و لكن سرعان ما أفاقت منها عندما لمحت بيده طفلا يصيح هيا أبي كفانا وقوفا !!
لم تدري إلا و هي غارقة بين ذكريات ممزوجة ببعض دموع العمر .. قد باعت حلمها .. و قررت الرحيل بحثا عن الثروة .. الثروة التي لا تعوض صاحبها عن مشاعر صادقة لا تشتري و لا تبتاع ..
عذرا سيدتي لن استطع ايصالك !!
هكذا قال سائق السيارة بعد أن تكسرت سيارته .. نزلت و جمعت حاجياتها و معها أنفاسها و تركت نفسها لساقيها تأخذها أين تشاء .. و لم تدري إلا و هي في بيتها البالي القديم .. لم تشعر براحة طوال سنين سفرها كما هي الآن .. معها من النقود ما تبتاع به أفخم بيت في أرقي مكان .. و لكنها الآن قد تعلمت الدرس !!
تعلمت أن راحة النفوس أهم بكثير من راحة الأبدان ..
تعلمت أن ثروة القلوب أقيم ألف مرة من ثروة الجيوب ..
تعلمت أن الدنيا قد تأخذنا و قد نأخذها ..
تعلمت أنه ليس كل شئ يشتري بالمال ..
فالحب و الرضا و السعادة و الأمان كلها معان ٍ لا تشتري إلا بالعطاء ..
تعلمت الآن معني الحياة !!
21/1/2008
47 comments:
السلام اولا
انتى حاطه موسيقى تنيم هاديه اوى انا مبسمعش موسيقى
بس ايه الهدوء ده تارارارا
وحمد لله على السلامه
اظنها عادت الى نفسها قبل ان تعود الى بيتها القديم
ويارب النت يبطل يفصل
وكل سنه وانتى طيبه
شوفي يا اسراء الدنيا دي مش بتدي الناس كل حاجة وكل واحد عليه انه يختار..
فيه ناس بتفضل في مكانها علشان تحافظ على صداقتها وعلاقاتها ومشاعرها وبتقدر ساعات تكسب الحب والسعادة.. لكن دول لوحدهم ممكن ينهاروا قدام صعوبة الحياة المادية بسرعة للاسف.
فيه ناس تختار طريق البحث عن الثروة.. ودول بيفضلوا طول عمرهم يجمعو الفلوس من غير حتى ما يقدرو يستخدموها في اسعاد انفسهم او ايجاد الحب الحقيقي.. وتلاقي الواحد من دول مش بيحس الا في نهاية عمره ان العمر ده ضاع زي ما عبرتي في القصة
الذكاء ازاي نحاول نجمع الاتنين.. طبعا المعادلة صعبة.. علشان كدة بتبقى الحياة صعبة دايما
قصة جميلة
ربنا يوفقك
تحياتي
وكانم ايه الي جابها كان خليها بدون عوده
بحب قوي اسرح معاكي
بحب لما اقرأ كلامك و احس القشعريرة في جسدي
بحبها من كلامك
ليا رأي صغنون ملكيش دعوة بية او شيلية و ارمية براحتك
آخر مقطع
انتي كاتباه بحرفية
و باسلوب رائع
بس حقيقي
كلماتك اللي قبله وضحته
انا حسيت كل كلمة قلتيها بعد معها بعض النقود لتبتاع
حسيتها قبل ما تكتبيهم
بعض الاحاسيس بتوصل من غير الكلام
و ايدك بتعرف ترسم صورة
تخيلت كل حتة في قصتك
وهي بتتلفت ساعة ما التاكسي اتخبط
وهيا بتشوفه و عينها ثبتت على عينيه
وهيا بتجر كل حزنا وراها و هيا بتطلع علي السلم القديم في البيت القديم
بحب كلامك قوي
ايدك جميلة قوي
ماشء الله
سلمت يداكي
سلام
كل سنة وانتي طيبة يا قمر
و رمضان كريم علينا و عليكي
اولا انا سعيد جدا اني وصلت في الاول قبل معجبينك مييجوا .
انا عندي تعليقين
الاول : انت بتضربي على وتر حساااااااااااااااااااااااااس قوي قوي مش قادر اوصفلك قد ايه...مش عارف كلماتك رقيقه و سهلة و بترسمي بيها الصورة كويس ولا انا الي خيالي واسع بزيادة لاني قريت كلماتك و شفت الصورة و حسيت بيها و قلبي وجعني.
التعليق التاني: رد سواق التاكسي عليها صدمني....اصل مفيش سواق تكسي بعد ميعمل حادثه ممكن يكلم الزبون بالزوق ده هههههههههههه
التعليق التاني كوميدي مش للتريقة او للتقليل من القيمة الادبيه لكلامك
وشكرا
البوست حلو قوى و معبر وصادق ,
تحياتى
السلام عليكم
ما اجمل قصتك يا اسراء
وما اجمل ما تحمل من معني
الذهاب لاماكن الثروة قد يكون هربا من واقع مؤلم وليس بالضرورة البحث عن المال ..فقد تكون الراحة في الغربة وان كانت مرة ..
وما اجمل الخاتمة
فالحب والرضا والسعادة والامان كلها معاني لا تشترى الا بالعطاء
شكرا
السلام عليكم ورحمة الله وبركاته
كل عام وأنتم بخير
كل عام وأنتم صائمون
كل عام وأنتم مصلون
كل عام وأنتم قائمون
كل عام وأنتم قانتون
كل عام وأنتم متصدقون
كل عام وأنتم مغفور لكم
كل عام وأنتم معتمرون
كل عام وأنتم قائمون ليلة القدر
كل عام وأمتكم الإسلامية منتصرة
اللهم بلغنا رمضان وأهلّه علينا بالسلامة والإسلام واليمن والبركات والنصر والتمكين
أخوكم
سعيد
تعلمت أن راحة النفوس أهم بكثير من راحة الأبدان ..
تعلمت أن ثروة القلوب أقيم ألف مرة من ثروة الجيوب ..
تعلمت أن الدنيا قد تأخذنا و قد نأخذها ..
تعلمت أنه ليس كل شئ يشتري بالمال ..
فالحب و الرضا و السعادة و الأمان كلها معان ٍ لا تشتري إلا بالعطاء ..
تعلمت الآن معني الحياة !!
ان تعلمت ذلك حقا
ف حقا تعلمت معنى الحياة
تحياتى
راحة النفوس أهم بكثير من راحة الأبدان
لم اجد اروع منها كلمات
قرأت كتير جدا لكن دي حقيقي جملة رائعه
بل اكثر
ياريت كلنا نرجع لزمان نرجع لبيوت زمان ولراحة زماان
ياااااااااااااااااااه
بجد بوست فكرني بحجات كتير
ريحني كتير
ادام اله عليكي التألق
تحياتي
انسان بلا عنوان
شرفني مرورك جدا
كل سنة و حضرتك طيب
أخي العزيز في حب مصر
اسعدني تعليقك جداااا
و اعجبتني كلماتك
هي الدنيا فعلا معادلة صعبة اويييي و نادر لما حد يفهمها و نادر اوي لما يعرف يعيش باللي هو فاهمه و يطبقه في حياته
تحياتي لك و كل سنة و حضرتك طيب
saadebaid
العودة هي بداية الحياة الحقيقية لكل انسان
اشكر لك مرورك و تعليقك المفيد !!
الجميلة نعكشة
حقا كلماتك اسعدتني كثيرا
بجد فعلا مبسوطة اويييييي ان الاحساس و الكلام وصلك بالشكل ده
جزاكي الله كل خير يا قمر و كل سنة و انتي طيبة يا احلي نعكوشة في الدنيا
الأخ الفاضل بندق
أولا اشكر لك تعليقك و كلامك الجميل
حقا اسعدني كثيرا
اما عن رد سواق التاكسي انا نفسي كنت مستغربة و انا بكتب الجملة و بقول لنفسي ياريت بجد كل الناس تتعامل بالمنطق ده
ياريت الناس يبقي بالها طويل شوية
مع ان هما بردو معزورين علي اللي بيعملوه مهو بردو الزحمة و الحر و اللي بيتعمل فيهم مش شوية
بس بردو يعني ده مش مبرر
بس متفقة معاك جدااااااا ان الرد طبعا غريب علي اللي متعودين عليه
هي بس كانت صورة في خيالي من التحضر بتمني اشوف الناس عليها
بجد اسعدني تعليقك جدااااااا
جزاك الله كل خير
و كل سنة و حضرتك طيب
صدي الصمت
اسعدتني زيارة حضرتك جدااا
جزاكم الله كل خير
اخي الفاضل جني
متفقة معك تماما فيما قلته
قد يكون السفر هروبا من واقع مؤلم بس يمكن في القصة دي بالذات كنت باقصد الانانية اللي بتصيب الانسان احيانا فتغض بصره عن اجمل الاشياء بالنسبة له
و لا يفيق الا بصدمة اخري تعيده لسابق عهده و من هنا كانت العودة
اشكرك بشدة لمتابعتك و كل عام و حضرتك بخير
blue-wave
اشكر لك مرورك الجميل
جزاكم الله كل خير و كل سنة و حضرتك طيب
اخي العزيز برقش
اسعدني تعليق حضرتك جدااا
ياريت بجد نرجع لزمان لفطرتنا الاولي
جزاكم الله كل خير
و كل سنة و حضرتك طيب
اللهم بلغنا رمضان و اعنا على صيامه و قيامه و اجعلنا من عتقائك من النار في هذا الشهر الفضيل
امين
أختكم
عبير عبد الشافي صاحبة مدونة طهقانة و كلبوزة لكن سمباتيك
بوست جميل يا اسراء
وفعلا القصه دى بتتكرر فى بلدنا
اكتر من مرة ومحدش بيعرف ده الا لما
يجرب عذاب النفس
لما يكون قدامها كل حاجه
من الماديات ورصيدها من المعنويات صفر
ياريت الناس تعرف ان الانسان
هو اللى بيصنع الماديات باديه
ولكن المعنويات مش سهل الحصول عليها
كل سنه وانتى طيبه يا سكر
رمضان كريم عليكى وعلينا
اللهم تقبل
تحياتى اليكى:)
تسلم ايدك يا دكتور
حلو اوى البوست ده علمتينا حجات كتير جميله ومهمه
كل فقره فى البوست درس كبير جدا ممكن نحتاج سنين طويله علشان نحصله
جزاكى الله خيراً
تحياتى
كل عام وانتى بخير و صحه و سلام
اطيب امنياتى برمضان مبارك لنا جميعا اخت الحبيبه
كل عام وانتى بخير و صحه و سلام
اطيب امنياتى برمضان مبارك لنا جميعا اخت الحبيبه
بستوكة
كل سنة و انتي طيبة يا قمر
رمضان كرييييييم
جوايا شئ نفسه يشوف النور
نورتيني يا قمرة
بجد سعيدة بزيارتك و تعليقك
كل سنة و انتي طيبة يا حبيبتي
اخي العزيز ممكن
تشرفت حقا بتعليقك الجميل
جزاكم الله خيراا كثيرا
و كل سنة و حضرتك طيب
الجميلة روفي
و انتي طيبة يا قمر
يارب يكون ده جمل رمضان عليكي و يبلغك العتق ياااارب
أنا قريت الخبر ده قبل مافطر بخمسدقايق وملقتش ارد وأول ماخلصت يدوبك قعدت معاهم وجيت أبارك على طول
والله بجد بجد فرحتلك جدا جدا وقاعدة باكل وانا مبسوطة خالص
الف الف الف الفيييييييييين مبروك
تستاهلى كل خير وكتاباتك تستاهل الناس كلها تشوفها وتقدرها
بالتوفيق ان شاء الله
ومتنسيش الحلاوة بقى :)
---------------
بالنسبة للقصة
بجد جميلة قوي قوي
وحبيت قوي فكرة ان الانسان لما تدور بيه الايام وتقسى عليه يرجع يدور على حياة تانية وكتير فعلا بيستمدوها من موطبنهم الأصلي جايز عشان في حالة قصتك حاسة بالذنب تجاه موطنها واهلها لكن كتير من الناس بيشوف الالهام ان يبدا من جديد من مسقط راسه حتى لو مكانش عاش فيه كتير
كالعادة صيغتي القصة باسلوبك الرائع
يارب تفضلي دايما متميزة على طول
جميلة يا اسراء
مبروك علي توقيع الديوان
كل ينة وانتي طيبة ويارب يكون رمضان خير عليكي يااااارب وتحققي فيه كا اللي بتتمنيه وربنا يتقبل منا ومنك
رمضان كريم
النقود ليست مهمه الا حينما نحتاج اليها
تحياتى
كل عام وانتى بالف خير
رمضان مبارك عليكى و علينا ان شاء الله
تحياتى
اسجل اول مرور ليا في هذه المدونة الجميلةة وعجبني اوي البوست ده الهايل ده
وكل سنه وانتى طيبة ورمضان كريم
حبيبتي سارة
بجد ربنا يكرمك يا قمر
مشاعرك و الله و فرحتك واصلالي و حساها اوي ربنا يخليكي لاي يا جميلة
انا اصلا و الله بموت فيكي
عبالك يااااارب و عبال اما اسمع عنك كل حاجة حلوة في الدنيا :)
الجميلة سنووايت
و انتي طيبة يا قمر
و يارب يبقي رمضان جميل علينا كلنا
نورتيني
snohe
شرفني مرورك جدااااا
تحياتي
روفي
و انتي طيبة يا قمر
نورتيني يا جميلة
,.-~*'¨¯¨'*•~mr ,.-~*'¨¯¨'*•~monshed
مرور و تعليق حضرتك شرفني جداااا
تحياتي
جميل أوي كلامك ورمضان كريم عليكي وعلي كل المدونين الجادين إلي ذيك ومبروك علي عقد ديوانك ويارب تكوني دائما في المقدمه تحياتي...
ربما قد يهمك زيارة مدونتي لست ادري تماما فلتقرري انتي
مبروك الديوان
ابن مصر
شرني مرورك جداااا
جزاكم الله كل خير و كل سنة و حضرتك طيب
jack sparrow
شرفتني زيارة حضرتك
بصى أولا رمضان كريم
ثانيا أتمنى تكونى فاكره مدونتى
ثالثا انا عاوز نخه من الديون بالفهلوه يعنى بالدراع يعنى حياتى كلها بدراعى من الآخر ربنا يوفقك ويبيع لكن من غير نسختى يبقى ..ربنا يوفقك بردو هههه
تحياتى
المصـــــــرى ....
أخي المصري
رمضان كريييييم و كل سنة و حضرتك طيب
انا طبعا فاكرة مدونة حضرتك و هزورها حالا اهو :)
اما عن نسخة الديوان متقلقش ان شاء الله قبل ما يتنشر هيبقي فيه حفلة توقيع و كووول المدونين باذن الله معزومين عليها
بس هتشتروا الكتاب يعني مش هنوزع ;D
انا عايزة اكسب بردو و لا ايه
جزاكم الله خيرااا علي تشريفك
و رمضان كريم
فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:
1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:
http://www.ouregypt.us/culture/main.html
جميلة عادت يا اسراء
وعود احمد
ومبروك مقدما علي المدونة
طبعا ليا نسخة ..... ربنا يوفقك
Post a Comment