أحيانا .. و أحيانا ...: شـارع مدينة ...

شارع مدينة ...

مشيت في شارع مدينة .. لقيت للحياة وشين ...
شفت ناس حزينة .. و برغم ده عايشيين ...
و شفت ناس تايهيين .. بالدنيا ملهيين ...
و ناس الخير ماليها .. و ناس كل شئ ليها ...

شفت العبد و الأسياد
شفت الجرح و الجلاد
شفت الحب شفت الخير
شفت العاصي و العبـّاد

و نهر الحياة ساير ...
و ناس مراكبها عايمة .. و ناس من غير مراكب ..
و ناس في الوسط تايهة .. قاربها شراعه دايب ...

و نهر الحياة ساير ...
و ناس بالحب عايشة .. و ناس من غير مشاعر ...
و ناس بمليون وش .. ساعة تحب ساعة تغش ...

عايشين في دوامة ...
عايمين بعوامة ...
الموج و الهوي يقلبوها ...
و يا نغرق .. يا ندور في دوامة ...

Esraa Hamed
2007

*********************

خارج النص : ادعوا لمامتي كتير بالشفاء

مقتبسات ...

تفاءلوا بالخير تجدوه

ان لم تزد علي الحياة شيئا تكن انت زائدا عليها

بدلا من أن تلعن الظلام أوقد شمعة

كيف ترضي أن تكون فرشاة و ألوانا و بيدك أن تكون أنت الفنان

من ترك شيئا لله عوضه الله خيرا منه

أحيانا نيأس و نقرر العوده و لا ندرك أننا علي بعد خطوات من هدف سعينا إليه أياما طويلة

و لإن شكرتم لأزيدنكم

إن الله لا يغير ما بقوم حتي يغيروا ما بأنفسهم

ليس المهم ما يحدث لك .. المهم ما سوف تفعله بما يحدث لك ..

من يتق الله يجعل له مخرجا و يرزقه من حيث لا يحتسب

أنت هنا اليوم بسبب قرارات الأمس و ستكون هناك غدا بسبب قرارات اليوم ..

الأفعال أعلي صوتا من الكلمات

ليس بيدكـ أن تعش أو تمت..ولكن بيدكـ أن تعيش سعيداً أو تموت من الإكتئاب

لا يكفى أن تكون فى النور لترى , بل ينبغي أن يكون فى النور ما تراه..

في كثير من الاحيان خسارة معركة تعلمك كيف تربح الحرب

الانتباه الى اشياء بسيطه يهملها عادة بعض الناس تجعل بعض الاشخاص اغنياء .

الامس هو شيك تم سحبه , والغد هو شيك مؤجل , اما الحاضر فهو الوسيله الوحيدة المتوفرة لذا فان علينا ان نصرفه بحكمة

الصدق مطية لا تهلك صاحبها وإن عثرت به قليلا،
والكذب مطية لا تنجي صاحبها وإن جرت به طويلا.

كلُ الحادثاتِ وإن تناهتْ .. فموصولٌ بها فرجٌ قريبُ

عندما نريد شيئا ما حقا فإن الكون باسره يطاوعنا لايجاده

إن سر النجاح هو أن تتعلم سر الألم والمتعة، بدلاً من السماح للألم والمتعة باستخدامك. فإن فعلت فإنك ستتحكم في حياتك، وإلا فإن الحياة هي التي ستتحكم فيك

Easy come >>> Easy Go !!!

People who know how to imploy themselves, always find lesure moments, while those who do nothing are forever in hurry …

We gather strength from sadness and from pain...Each time we die we learn to live again

25 comments:

blue-wave said...: يا نغرق يا ندور فى دوامه
فى الحالتين غرق
ربنا يشفى والدتك يارب; November 22, 2008 at 1:51 AM
momken said...: جميل اوى تسلم ايدك

بس انتى كده خليتى النتيجه واحده

يا نغرق يا نتوة فى الدوامه

طيب ايه الفرق

تحياتى; November 22, 2008 at 1:21 PM
أسير الجراح said...: اممممممممممممممممم

اقولك حاجة

نجرب الدوامة

ههههههههههههههههههة

بجد بوست جميل

تسلم اديكى

اتمنى تنورينى

كل التقدير

اسير الجراح; November 22, 2008 at 4:52 PM
حـــــدوتـــــة said...: السلام عليكم

شفت العبد و الأسياد
شفت الجرح و الجلاد
شفت الحب شفت الخير
شفت العاصي و العبـّاد

كلمات جميلة جدا
حاولى تكتبى بالطريقة دى كتير

سلالالالالالالالالالالالالالالالالالالالالالالالالالالام; November 22, 2008 at 7:35 PM
صدى الصمت - عاشقة الورد - said...: جميلة قوى طريقة الكتابة دى بتفكرنى بصلاح جاهين
ربنا يشفى ماما وتشوفيها فى أحسن حال بإذن الله; November 22, 2008 at 10:14 PM
Kiara said...: ربنا يشفي مامتك يارب

ويحميكي ويحميها ومايحرمكم من بعض

يس اكيد في حل تاني بعيد عن الغرق وانك تدوري في الدوامه وهو باب الامل

طريق للنجاه من اي شي; November 23, 2008 at 4:32 PM
Esraa Hamed said...: blue wave

سعدت بمرور حضرتك
هو فعلا انا نهيتها ان الحالتين غرق بس يا اما غرق سريع يا اما بطئ عن طريق الدوامة _ دوامة الحياة _

اشكرك مرة اخري علي المرور و الدعاء و التعليق
جزاكم الله خيرا; November 24, 2008 at 9:41 PM
Esraa Hamed said...: اخي العزيز ممكن

هي اه يمكن خليت النتيجة واحدة بس أوقات كتير بتبقي فعلا النتيجة واحده او حسب تعاملنا احنا مع المشاكل و مشكلتنا اننا اللي بنوصلها لنتيجة واحده بمواقفنا السلبية
شرفني مرور حضرتك جدا
تحياتي; November 24, 2008 at 9:43 PM
Esraa Hamed said...: أسير الجراح

هطل علي دونتك ان شاء الله و سعيدة كتير لتشريف حضرتك ليه
تحياتي; November 24, 2008 at 9:44 PM
Esraa Hamed said...: اخي الفاضل حدوتة

سعيدة جدا انها عجبت حضرتك
انا علي فكرة كنت بكتب كده زمان و بقالي فترة مش عارفة اكتب غير فصحي
هحاول ارجع اكتب عامية تاني ان شاء الله

اشكرك ثانية علي مرورك و تعليقك
:); November 24, 2008 at 9:46 PM
Esraa Hamed said...: الجميلة صدي الصمت

صلاح جاهين مرة واحدة !!!!!!!!!
انا كده هتغر جدااااااا علي فكرة
:D

سعيدة جدااااااا بتعليقك الجميل
نورتيني يا قمر
:)); November 24, 2008 at 9:48 PM
Esraa Hamed said...: الجمبلة مولان
الامل فعلا طريق النجاة
علي فكرة يمكن اغلب الحاجات اللي كتبتها بعد دي نهتها نهاية فيها امل اكتر بس دي معرفش ليه طلعت كده
سعيدة جدااااااااا بتشريفك ليه
نورتيني يا قمرة; November 24, 2008 at 9:50 PM
z!zOoOo said...: السلام عليكم

بوست جميل قوي

بصراحه مش عارف كنت تايه عن مدونتك فين

لكي كل الود وكل التوفيق من الله

وفي رعايه الله; November 25, 2008 at 8:07 PM
z!zOoOo said...: عذرا علي تعليق أخر

لكن يبدو أني نسيت شيئا هاما للغايه

وأرجو المعذره أيضا لنسياني

اللهم أشفي مرضانا ومرضي المسلمين

اللهم إشفي والدتها وعافها من كل سوء

ونجها ونجي أمهاتنا من المرض والوهن والكروب

وفي رعايه الله; November 25, 2008 at 8:09 PM
Esraa Hamed said...: أخي الفاضل z!zOoOo

سعدت كثيرا بتشريف حضرتك ليه و و سعيدة ان المدونة عجبت حضرتك
جزاكم الله خيرااا كثيرا علي الدعاء; November 26, 2008 at 2:43 AM
Mostafa Safwat said...: الحمد لله
كل مرة بدخل عندك بينشرح صدري عشان بتأكد اني لما عملت لينك عندي في المدونة بتاعتي للمدونة بتاعتك و كتبت عليه "شعر بجد" مكنتش غلطان
ربنا يشفي مامتك و يشفي كل الناس الغاليين عالينا; November 27, 2008 at 6:59 PM
Esraa Hamed said...: بندق
اسعدني كثيرا تعليقك
جزاكم الله خيرااا علي الدعاء و كل عام و حضرتك بخير; November 28, 2008 at 3:05 AM
جنّي said...: السلام عليكم

اولا اسجل اعجابي بالكلمات وسهولتها وتوظيفها لارسال الفكرة من وراء هذا الزجل لجميل .. ودا دايما الزجل ينبع من كلمات الشعب والعامة ولكن الاحترافية في طريقة صياغته .. فحينما نقرأ لبيرم أو صلاح جاهين نستسهل الكلمات ولكن لا نستطيع ان نحاكيها .. وكذلك كلماتك ..
اما لمتناقضات التي ذكرتيها اصبح السئ منها القاعدة لا الاستثناء

شكرا وتحيتي; November 29, 2008 at 10:47 PM
rovy said...: اولا الف سلامه على ماما يا اسراء
ربنا يشفيها يارب و يخليها لك و يبارك لها فيكى ..
اللهم اشفيها شفاءا تاما لا يغادره سقما ..
امين
يا ريت تبقى تطمنينا عليها

اما عن كلماتك فحقيقى يا اسراء ابدعتى
سلمت يداكى و دمتى بكل خير

تحياتى; November 30, 2008 at 12:14 AM
Dr. Ibrahim said...: واللى يعيش طبعاً يا ما يشوف

ربنا مع والدتك تمنياتى لها بالشفاء العاجل

د إبراهيم; November 30, 2008 at 12:26 AM
جنّي said...: السلام عليكم ورحمة الله وبركاته

نسأل الله العظيم ان يشفي والدتك

وكل عام وانتم بخير بحلول عيد الأضحى المبارك
كل عام وانتم على صعيد عرفات
كل عام وانتم من الحجيج
كل عام وانتم من الملبين
كل عام وانتم من المكبرين
كل عام وانتم من المهللين
كل عام وانتم مغفور لكم
كل عام وأنتي حرة يا أمتي

أخوكم سعيد; December 2, 2008 at 9:24 PM
Esraa Hamed said...: أخي العزيز جني

اعجبني تعليقك جدااا
و زهلت من ربطك بين كلماتي و كلمات بيرم و جاهين
يعني انا فين و هما فين
:)
حقا يشرفني رأيك كثيرااااااا
جزاكم الله كل خير و كل عام و حضرتك بخير
و جزاك الله خيرااا علي الدعاء; December 4, 2008 at 9:29 PM
Esraa Hamed said...: روفي الجميلة
نورتيني يا قمرة و مبسوطة جداااا بمتابعتك لي رغم تقصيري معك

سعدت كثيرا بتعليقك
و جزاكي الله خيراا كثيرا علي الدعاء
ماما لسة تعبانة اوي و الله هي كمان في الحج ادعيلها ترجعلنا بالسلامة

جزاكي الله خيرااا يا قمر و كل عام و انتي بخير يا حبيبتي
:); December 4, 2008 at 9:31 PM
Esraa Hamed said...: د/ابراهيم

شرفني مرور حضرتك جدااا
جزاكم الله خيراا و اشكرك كثيرا علي الدعاء

كل عام و حضرتك بخير; December 4, 2008 at 9:32 PM
Anonymous said...: gamda gdn ya saso ,, bgd 2slobk to7fa ;); January 13, 2009 at 5:38 AM

أحيانا .. و أحيانا ...

Friday, November 21, 2008

شـارع مدينة ...

25 comments:

My first Book

About Me

حاجات كتبتها ...

من زماااااان

مين هناااااك

مقتبسات ...

علي فييييين ...

قول كلمتك

بتعلم منهم ...

بحب اقرالهم

أصدقاء المدونة

أصدقاء المدونة ...