!! شمس الصباح
شمس الصباح شقّت فجرها..
نورها نوّر كل القلوب ..
و العيون رجعت تشوف ..
رجعت تحلم حلمها ..
رجعت موسيقي الكون تعذف لحنها ..
و فرحوا الناس ..
و شربوا الكاس ..
نسّاهم ايه كان قبلها ..
نسّاهم ايه جاي بعدها ..
نسيوا يئيدوا المصابيح ..
نسيوا مكان المفاتيح ..
آل يعني الشمس هتنور ليل لسة مجاش !!
ليل لسة بعيد .. بس هيجي أكيد ..
و اهي بتقولكوا سلامات ..
سلامات نورك .. سلامات ..
اهو راح مفعول الكاس ..
و اهي رجعت ضلمت ..
من بعيد بلمح نور خفيف !!
زي الماسة في ليل كحيل ..
ما بتعكس ضيّ القناديل ..
أهي تصبيرة في ليل طويل
لحد ما نشوف النهار !!
قمر سحره بينسّي النهار ..
أصله مطفي بس عاكس نور نهار ..
نهار و شمسه قريّبة ..
و طيّبة ..
مهانش عليها يتوهنا الضلام ..
سابت لقلوبنا ميت دليل ..
راجعة لينا مهما كان الليل طويل ..
ننام و نصحي و لسة بردو الليل طويل ..
و لسة الشمس قريّبة ..
مش يمكن خبّاها السحاب ..
مش يمكن بعتت ميت جواب ..
و لا حد رد و لا حد قال ..
و الكل بس بيقول محال ..
يمكن ع الليل اتعودوا ..
هو القمر فعلا جميل ..
بس ده عاكس نور نهار !!
يعني لو ضاع النهار يبقي انسرق الليل معاه ..
يبقي ندور ع النهار !!
و نفتح عشانه ألف باب ..
و لو طلبت نهد السقوف و نكسّر كل السحاب ..
دي أكيد الشمس قريّبة .. بس مخبيها السحاب ..
نورها نوّر كل القلوب ..
و العيون رجعت تشوف ..
رجعت تحلم حلمها ..
رجعت موسيقي الكون تعذف لحنها ..
و فرحوا الناس ..
و شربوا الكاس ..
نسّاهم ايه كان قبلها ..
نسّاهم ايه جاي بعدها ..
نسيوا يئيدوا المصابيح ..
نسيوا مكان المفاتيح ..
آل يعني الشمس هتنور ليل لسة مجاش !!
ليل لسة بعيد .. بس هيجي أكيد ..
و اهي بتقولكوا سلامات ..
سلامات نورك .. سلامات ..
اهو راح مفعول الكاس ..
و اهي رجعت ضلمت ..
من بعيد بلمح نور خفيف !!
زي الماسة في ليل كحيل ..
ما بتعكس ضيّ القناديل ..
أهي تصبيرة في ليل طويل
لحد ما نشوف النهار !!
قمر سحره بينسّي النهار ..
أصله مطفي بس عاكس نور نهار ..
نهار و شمسه قريّبة ..
و طيّبة ..
مهانش عليها يتوهنا الضلام ..
سابت لقلوبنا ميت دليل ..
راجعة لينا مهما كان الليل طويل ..
ننام و نصحي و لسة بردو الليل طويل ..
و لسة الشمس قريّبة ..
مش يمكن خبّاها السحاب ..
مش يمكن بعتت ميت جواب ..
و لا حد رد و لا حد قال ..
و الكل بس بيقول محال ..
يمكن ع الليل اتعودوا ..
هو القمر فعلا جميل ..
بس ده عاكس نور نهار !!
يعني لو ضاع النهار يبقي انسرق الليل معاه ..
يبقي ندور ع النهار !!
و نفتح عشانه ألف باب ..
و لو طلبت نهد السقوف و نكسّر كل السحاب ..
دي أكيد الشمس قريّبة .. بس مخبيها السحاب ..
Esraa Hamed
9/2/2008
17 comments:
كلامها لذيذ وصياغتها رائعة
بس مبهمة المعاني وبتغطي اشكال كتير
من اختفاء النهار والامل
واصلي التفوق و زوارك لا ينقطعون
شكرا رامي علي المرور الكريم
وزادني مرورك شرفا وتقديرا
انتي محتاجه رأيي في ايه
انتي تحتاجي رأي شاعر
كاتب
فنان
الكلام ما في بعده كلام....تحياتي ليكي و لمدونتك الهايله
اول زياره ليا و ان شاء الله مش الاخيره
سعودي
ايه ده كله
ميرسي جداااااا يا محمود
بجد شرفني مرورك جدااااا
الاخت العزيزة شمس الصباح
كلمات تحمل مشاعر رائعة و نفس صافية
واصلى قراءاتك و كتاباتك فاننى ارى مولد شاعره جميله ان شاء الله
ولكن نصيحتى بترك الاسهاب و ذكر التفاصيل لاخر درجة فدعى عقل المتلقى يتخيل مالم يسطره قلمك
دمت بخير
أسعدني مرورك جدااااا شخبطة ملوكي
و بالتأكيد استفدت من تعليقك فعلا مش اول حد يقول كده
تابع دايما و ان شاء الله هراعي النقطة دي بعد كده
جزاك الله كل خير
مفيش اجمل من الامل يا اسراء
مهما مر علينا فى الحياة
تحياتى ليكى
شرفني مرورك جدا نرفانا
كلمة شمس الصباح وحدها تبعث دفئا جميلا في القلب و الأجمل هي مدونتك وما كتبتي
مدونة جميلة
تقبلي مروري
أسعدني مرورك و تعليقك جداااااا "أسرار أنثي "
هو القمر فعلا جميل ..
بس ده عاكس نور نهار !!
يعني لو ضاع النهار يبقي انسرق الليل معاه ..
يبقي ندور ع النهار !!
و نفتح عشانه ألف باب ..
و لو طلبت نهد السقوف و نكسّر كل السحاب ..
دي أكيد الشمس قريّبة .. بس مخبيها السحاب
حروفك رائعه يا اسراء بجد استمتعت بها..
و الف شكر على سؤالك عني بجد فرق معايا و شجعني
انتي اللي رااائعة بجد يا هاجر
و بجد مبسوطة جداااااا بمرورك و تعليقك الجميل
انا زمان كنت باكتب شعر ايامماكان بالي رايق دلوقتي بقراه سريع ومش بقيت بحسه ذي الاول
تحياتي لكلامك ورقتك
شرفني مرورك جدااااااا "المفقوعة مرارتها"
بصراحة كلام يعجز لساني عن وصفه كلام ان دل يدل على انك انسانه بمعنى الكلمه سمر
ربنا يكرمك يا سمورة علي كلامك الجميل
اسعدني مرورك جداااااااااا
ممتازه يا اسراء بجد
Post a Comment