يحلق باحثا عن تلك الحياة التي طالما راودته في أحلامه .. الحياة الممتلئة بكل القيم و الأخلاقيات التي تعلمها صغيرا .. شمالا .. نحو بلاد أعجبته أخلاق شقراواتها و إلتزام صبيانها ، أناس تملكوا الحياة بقيمها فاستنفذوا خيراتها و لكنهم فقدوا روحها .. روح الحياة المتمثلة في تعاليم سمائها و قدسية أرضها ، عشقوا النجاح حتي أتقنوه ، و توغلوا فيه حتي أنساهم كل ما هو غيره ففقدوا هذة الروح التي مكنتهم قديما من الاستمتاع بتلك النجاحات ، فصاروا في مدارات من حياة تائهة ، كلما وجدوها كلما فقدوها من جديد ..
عاد مرة أخري لتحليقه الحالم علّه يجد هذه المرة مبتغاه .. أسعده وجود تلك المآذن المتألقة ليلا نهارا ، و لكنه صعق لما وجدها خاوية إلا من قليل .. أعجبه ذلك المظهر المتأسلم و لكنه صعق عندما قرر الغوص في حياة هؤلاء ، تلك الحياة التي خلا جوهرها من كل ما يدل عليه مظهرها .. عاد لينظر ثانية إلي العالمين فوجدهم ..
حياة بلا روح أو روح بلا حياة ..
نظر لذلك الخط الفاصل بينهما فتساقطت منه دمعتان .. أنبتت زهرتان .. أحدهما روح و الأخري حياة .. التحمتا .. فرأي حلمه يتكون أمامه للمرة الأولي .. روح و حياة ...
ذلك المشهد الذي تختفي معه أنـّـــات العتاب ، و تبقي فقط تلك الحالة اللامحسوسة عندما تجد نفسك وحيدا بين كل سكان العالم الذين اجتمعوا هذة المرة فقط لأجلك عندما تحبس بداخلك أطنان من دموع لو تركتها لروت كل هؤلاء الظمأي في شتي بقاع الأرض عندما تقف لتتسائل .. أما زلت علي قيد الحياة ؟؟ أم قد قُتلت و لكنك تستمر في تمثيل هذا الدور الملعون في مسرحية عمرك ؟؟ عندما تحترف تمثيل هذا الدور أمام الجميع و أمام نفسك حتي تتقنه تماما و تعتاد عليه ، و فجأة تفاجأ بأنك ذلك المقتول في المشهد السابق و أنك لم تعد تملك أي حياة !!
وقتها تحاول الزجّ بنفسك في مسرحيات أخري علّ أحدها تعيد لذلك المقتول الحياة أو تيأس .. فتقرر انهاء المشهد و اسدال الستار
عندما قررت أن أقدم تلك الشاعرة الشابة واجهتني مشكلة، هل أقدمها على أنها شاعرة تميز ديوانها الأول"أحيانا وأحيانا" ، أم أقدمها كمهندسة ديكور ناجحة ... التفاصيل
قبل البوست عايزة اعتذر لكل الناس عن عدم متابعتي الايام اللي فاتت و غالبا هيكون الايام الجاية كمان بسبب مشروووووووووع التخرج احنا محبوسين طول اليوم تقريبا في الكلية و بقينا بنروح بس عشان نلحق ننام شوية و نرجع تاني ننزل الصبح نكمل المسيرة
دعواتكوا كتيييييييير هسيبكوا بقا مع البوست :))
*******
بسمـــــــات ..
تفتح روعة بسمتها أفق الحياة ..
تجعلك تحلق بحثا عن تلك الأمنيات الحالمة ..
تغوص باحثا عن أسرار تلك العيون الباسمة ...
تستعيد معها كل المعاني المتعلقة بروح الحياة ..
تذيب كل آلامك فتجدك في لحظات هائما بين طيـّات روحها الفرحة ..
واضح ان المشكلة كانت في البوست اللي بعد الوان مش الوان هو اللي كان ملعوووون المدونة سبحان الله اتصلحت لوحدها بعد كل المحاولات اللي بائت بالفشل في تصليحها اتصلحت لوحدها اول اما قررت اعمل واحده تانية
خلاص هنكمل هنا بقا طالما اتصلحت و نأسف جدااااااااااااااا علي الازعاج :))))))))))
*********** حصل مشكلة معينة في المدونة انها بقت ظاهرة دايما في قايمة المدونات عند كل الناس علي بوست ألوااااااااااااان و عملت كل الطرق الممكنة عشان اصلحها معرفتش
بس طبعا للأسف مفيهاش الحاجات القديمة و اللي هتفضل كلها موجودة هناااا
و طبعا هتقولولي معملتيش استيراد للمدونة دي هناك ليه هقولكوا اني جربت كتيييييييييير و في كل مرة بردو بتقف عن البوست الملعون ده و مترضاش تتغير في قايمة المدونات عند اي حد حتي بعد ما بنزل حاجات جديدة
عشان كده هتفضل البوستات القديمة كلها هنااااا
و هنزل الحاجات الجديدة هناااااااك ان شاء الله
انتظروا بقا البوست اللي جااااااي و اعملوا ادد لللينك الجديد عندكوا و نأسف للازعااااج :)))))
البوست المرادي مختلف شوية عن كل الحاجات اللي كتبتها قبل كده
يمكن اسلوبي فيه متأثر بشكل كبير بصديقتي الجميلة ايمان صاحبة اوشاويات
***
البوست ده السبب فيه هو مشروع التخرج
فلازم اديكوا فكرة الاول عن المشروع قبل ما نبدأ
بما أني بردو في قسم التصميم الداخلي او ديكور يعني زي ما الناس بيسموه في الكلية المدعوة بفنون تطبيقية
فمشروع التخرج بتاعي هو عبارة عن قرية سياحية
المفروض اعمل التصميم الداخلي و تصميم الاثاث الخاص بكل المناطق بها
و من أجزاء القرية دي بقا
المطعم المتخصص
و اللي حاليا بعمل الديزاين بتاعه
و انا قررت ان اخلي المطعم ده بيقدم أكلات بيتيه
و قلت هخلي الطراز بتاعه مستوحي من الفلكلور المصري القديم
و وانا بدور علي داتا عن الفلكلور ده طلع في دماغي ادور علي امثال
امثال من بتاعة زمان دي اللي بتيجي في الافلام
معرفش يعني ايه علاقتها في الموضوع
بس الموضوع عشش في دماغي جدااااااااا و قلت لااااااازم ادور عليهم
اهو الواحد بردو يعرف الناس بتوع زمان دول كانوا بيفكروا ازاي
و كمان مهو في ناس لحد دلوقتي لسة بتقول الامثال دي و مقتنعة بيها
انا جبتلكوا شوية حاجات لفتت نظري قوي
تيجو نحلل مع بعض الامثال دي
يعني كل حد يقوللي انا شايف المثل ده صح اوي او شايفه غلط اوي
و يقوللي ليه
و نتناقش حبه في الكلام ده
يمكن نطلع بحاجة
يااااا مسهل :
:
:
:
:
هسيبكوا مع الأمثااااااااال
و قال علي رأي المثل ............
علي وشك يبان يا مداغ اللبان خذ الأصيلة واقعد على الحصيرة الدنيا زي الغازية , ترقص لكل واحد شوية اللي ما تعرفش ترقص تقول الارض عوجة العشق بعد الستين زي المش في الطين الله يخلي أختي وأخويا أشم فيهم ريحة أبويا العضة محبة من عجوز أو شبه يا محلى الجمعه لو على فانوس وشمعة اسمها قمر وأبوها شهاب وشكلها زي الهباب شوف القرد وأتامل عينيه ما تلاقي غير السواد حواليه زرت اللي ما يحبوني حطوني في المقعد ونسيوني أتلاقت المكنسة مع البلاعة وصاروا جماعة أنا زي الساعة يوم أتكتك ويوم أهاتي ويوم أروح للمصلحاتي زمان منكوس يرفع الرجول ويخفض الرؤوس
تيتي تيتي زي ما رحتي زي ما جيتي
أموت في محبوبي لو كان عبد نوبي
سوده يا قهوه والقلب وما يهوى
قلبي زي الدكان لكل واحد فيه مكان
كل شيء بالسيف إلا ألمحبه بالكيف
حابس لابس على قلبك كابس
الدنيا مصالح يبو صالح
أجري يا مشكاح للي قاعد مرتاح
العين عليها حارس الي يعمل ظهره قنطره يستحمل الدوس
اللي متحتاجش النهارده وشه بكره يحوجك الزمن لقفاه
امك البصل و ابوك الثوم هتجيب الريحه الحلوه منين يا مظلوم
اللى مربى قرد عارف لعبه
إن خرج الفقر من بابه بدل فوله بكبابه
العين صابتني و رب العرش نجاني
حجا اولى بلحم توره
إللى يعمل نفسه ردة تبعتره الكتاكيت
ياواخد القرد على مالو راح المال وضل القرد على حالو
عايزة اهني اتنين من اجمل البنوتات بمناسبة انضماهم لعالم التدوين
رضوي عمرو صاحبة لوغاريتمات و اللي هتسعدوا جدااا بالغوص في طيات كلماتها الفلسفية المتأملة
و هتضحكوا من قلبكوا و انتوا بتقروا في اوشاويات لـ ايمان مجدي باسلوبها المتميز و اللي بجد بتوقعلها تبقي حد من اشهر كتّاب الادب الساخر في مصر *************** ألوااااااااااااان
الأحمر
فيض متوهج عالم من الحياة الحب .. الجنون .. الحياة ..
البرتقالي
انطلاقة الصيف .. ابتسامة القدر .. سمو الروح و تحليق الحياة ..
الأصفر
الغوص في فلسفاتٍ سيريالية .. البحث عن أسرار الحياة .. الشمس .. مرآة الحياة ..
الأخضر
انتعـــــــاش .. عالم آخر من الجمال .. أرجوحة خيالية عالقة علي نسمات من الحياة ..
الأزرق
شجن ممزوج ببعض الأمنيات الحزينة .. ليل حتما سيليه صباح .. قمر فضي لامع في سماء حالمة ..
القرمزي
رقة ممتزجة ببعض جنون ..
الأسود
رائحة الأمطار الثلجية غموض خُطّ بسريالية .. الوجه الآخر للحياة ..
الأبيض
عالم ناصع حالم ممزوج بروح تلك الطفلة البرئية .. مساحة فارغة للتدوين .. قلم معلق بين أسطر الحياة .. قلب مستعد للتلوّن ..
