جالي تاجين
واحد من سارة صاحبة مدونة out of the blue
http://sara-out-of-the-blue.blogspot.com/
و هو ده اللي هجاوبه دلوقتي
لو أعطيتك ثلاث وردات .. من هم الثلاث الأشخاص اللى هتعديهم الورد اللى معاك ؟؟
مامتي
و صاحبتي سارة
و التالتة بقي باقي صحابي هيتخانقوا عليها فممكن اخدها انا و خلاص و ابقي اديها لاي حد كده في الخباثة ههههههههه
لو أعطيتك ورقة بيها 3 سطور فقط و قلت لك أكتب فيهم اللى أنت عيزه هتكتب إيه ؟؟
ان الله لا يغير ما بقوم حتي يغيروا ما بأنفسهم
و جه دلوقتي دورنا عشان نعيد بناء مجتعنا و بداية كل حد فينا لازم يبدأ بنفسه
المبادرة - الايجابية - الثقة بالله
ما هو هدفك فى الحياة ؟؟
هدفي في مجال دراستي اني ابقي ديزاينر جامده و مشهورة جدااا
و هدفي عامة اني اساهم باي حاجة في نهضة بلادنا
"إن شاء الله بكرة هيكون أحسن من النهارده" ِهل تصدق هذه المقولة ؟؟ و لماذا ؟؟
اكييييييييد
لماذا لأن كل الحقايق اللي عايشين فيها و بنستمتع بيها دلوقتي كانت في يوم من الايام احلام
لو حلمنا ببكره افضل هنصحي في يوم نلاقيه بقي حقيقة ادامنا
حتي لو مش احنا اللي شوفنا بعنينا هتيجي ناس تانية و يقوله كان في ناس طيبين زمان عملوا كل النهضة دي
يارب نبقي اد المسئولية و نقدر نصلح شوية في بلادنا
أجمل مقولة سمعتها / سمعتيها فى حياتك ؟؟
ان الله لا يغير ما بقوم حتي يغيروا ما بأنفسهم
الاية دي بحسها قانون الحياة
و مش بس علي النهضة لا دي ليها اسقاطات كتيييييير علي كل حاجة ياريت كل واحد يطبقها بجد في حياته
من المغنى اللى بتحبه أوى و إيه أحلى أغنية ليه بتحبها ؟؟
مش حد معين
يعني حسب الحالة المزاجية
بس عاده الكلمات بتشدني اكتر من الصوت
"غزة" تمثل لك إيه فى حياتك ؟؟
اكيد غزة جوة قلب اي حد فينا
يمكن بنحس بالعجز اوي بس اللي بايدينا نعمله اننا نصلح نفسنا الاول
انا كمان ليه نفس مبدأك يا سارة في حكاية الاخبار دي
بس يمكن بحاول اقرأ العناوين فقط
أعطى لإنتمائك لوطنك درجة من مائة ؟؟
مليوووووووووون %
لو تزوجت / تزوجتى و أنجبت بنتين و ولدين أى الأسماء تختار لهم ؟؟
بنتين : فرح / هنا
ولدين : يحي / ياسين / سيف
و في تيمور ده بقوله تهريج علطول حتي صحابي لما بيجوا يهرجوا معايا بيقولوا يا ام تيمور
احتماال يعني اسمي تيمور فعلا بس يارب ميدعيش عليا لما يكبر
هههههههههههههه
عمرك غشيت فى أمتحان و انت ضغير ؟؟
اخر مرة غشيت فيها في اولي ثانوي
و من ساعتها الحمد لله عمري ما غشيت في اي امتحان مهما كنت مش عارفة احل
لو أتعرض عليك رشوة كبيرة و انت فى زنقة ماليه هتعمل إيه ؟؟
استحااااااااااالة
تمرر التاج ده لمين ؟؟
سيبوني افكر شوية
قول 3 صفات ب 3 كلمات بس توصف بيهم شخصيتك (يعني كريم طيب خدوم كده
مزاجية / ايجابية نوعا ما / رغاية جداااااا
اول مرتب ليك وكان كبير قوي يكفي تجيب اغلى هدايا هاتجيب لكل فرد في عيلتك ايه
هعزمهم كلهم في اي حته جامده
برضه بكلمة واحدة ايه اهم صفة عايزها في شريك حياتك
ايجابي
ايه المجال اللى غير دراستك وشايف نفسك فيه قوي حتى لو كان ياشيخ الرسم عالحيطة
انا من و انا صغيرة و انا نفسي ابقي مهندسة ديكور
و الحمد لله دخلت فنون تطبيقية و جبت تقدير في اعدادي و دخلت تصميم داخلي
و الحمد لله مبسوطة جداااااا رغم ان الدراسة صعبة و متعبة كتيير بس حسه اني كل يوم بقرب اكتر من هدفي الحمد لله
بتحب السفر
جدااااااااااا
طب دلوقتى حالا ايه المكان اللى نفسك تكون فيه
اي حته فيها بحر
التاج جميل جدااااااا و استمتعت جدااااا و انا بجاوب رغم اني في الاول كنت حساه طويل شوية
بس طلع جميل و ممتع جدااااااا
**********************
نيجي بقي للتاج التاني
و هو من زي الهواااا صاحبة مدونة زي الهوا
التاج اهو
1- اذكر 10 اشياء عن نفسك
هو السؤال صعب جداااا
بس هنحاول
1- ساعات يمكن بكون مش عارفاني فعلا او بمعني اصح بحس اني غريبة شوية و مش قادرة افهمني
2- و ساعات تاني بحسني عادية جداا و مفهومة جدااا
ادي حاجتين خلصوا و الحمد لله
هههههههههههه
3- انا عادة مش عصبية بس يمكن دماغي ناشفة حبتين و عندية جداا
4- مش بعمل حاجة غير اللي مقتنعة بيها جدااا و يمكن ده بردو يندرج تحت نفس النقطة اللي فاتت و اللي هي العندية
5- هو انا احيانا بحسني ايجابية نوعا ما بس طبعا الموضوع ده مينفعش انا اللي اتكلم فيه ممكن بقي لو حد من صحابي دخل في الردود هما اللي يقولوا
بس اصلي مش لاقية حاجة نمكمل بيها العشر نقط :(((
لسة في رقم 6
6- رغاااااية جدا
7- بحب الخروج و السفر و الانطلاق و بعشق البحر و النيل
8- بحب اوي مجال دراستي ( انا في كلية فنون تطبيقية قسم تصميم داخلي )
و بحب جدااا التنمية البشرية و يمكن هي غيرت فيا كتييير
9- قدوتي في الدنيا د/عمرو خالد و د/ ابراهيم الفقي
و في مجال دراستي قدروتي د/خالد محرز و د/عمرو حلمي
و من الناس كمان اللي بحب ارائهم جداااا و بحب اسمعلهم دايما ا/ مصطفي حسني و ا/معز مسعود
كده فاضل واحده
ههههههههههه
10 - بكره الروتين و بحب التغيير جدااا اكتر هواية بحبها الرسم بحس كده اني في دنيا تانية و الكتابة بحسها بتخرج اي حاجة جوايا
هيييييييييييييييه
اخيرااااا خلصنا
:DDD
2- اختر 5 اشخاص تهدى لهم التاج
شيماء سمير
سارة (out of the blue)
وائل كامل
desert cat
نانا
3- اترك لهم لينك تخبرهم فية بالتاج
4-لا تهدى التاج لمن اهداك اياه
حاضر من عونيا الاتنين
التاج الاولاني كان اسهل كتييير
بس ده لذيذ بردو
معرفش ليه بحس ان اصعب سؤال في الدنيا لما حد يقوللي اتكلمي عن نفسك مع ان المفروض ان كل حد هو اكتر حد عارف نفسه كويس
يبقي ليه صعب بقي اننا نتكلم عن نفسنا ؟؟؟
و ياتري انا بس اللي بحس بالصعوبة دي و لا انتوا كمان
انا بقي سايبالكوا السؤال ده و مسنية اجابتكوا عنه و تعليقاتكوا علي اجاباتي
و عايزة اقول شكر كمان مخصوووووووص لسارة و زي الهوا انهم اختاروني في التاج بتاعهم و مسيري ادبسكوا في تاج انتوا كمان هههههههههههههه
اسيبكوا دلوقتي و في انتظار تعليقاتكوا
سلاااااام