أحـلام بلا مأوي ..
أحلام حائرة .. بين ثنايا العمر تفني ..
و يفني ما سواها من أحلام ..
و تزداد حيرتها ..
تزداد وطئتها ..
و يزداد حريق تلك الأيام ..
و يبقي الحلم كغريق تائه بين وهم و ظنون ..
و دائما نصحو ..
و ما بال ذاك الحلم باقيا ..
ما أقسي صراخ تلك الأحلام ..
كم تمنيت أن تهدأ ..
كم تمنيت أن تذهب ..
كم تمنيت أن أحلم ..
و لكن .. بلا جدوي ..
أحلام بلا مأوي ..
كبريق نجم في عمق ظلام ..
ما لبث أن أضاء حتي أظلم ..
كطيف عابر في سماء شاردة ..
ما لبث أن اختفي ..
حقا .. انها أحلام ..
و لكن .. بلا مأوي ..
أحلام حائرة .. بين ثنايا العمر تفني ..
و يفني ما سواها من أحلام ..
و تزداد حيرتها ..
تزداد وطئتها ..
و يزداد حريق تلك الأيام ..
و يبقي الحلم كغريق تائه بين وهم و ظنون ..
و دائما نصحو ..
و ما بال ذاك الحلم باقيا ..
ما أقسي صراخ تلك الأحلام ..
كم تمنيت أن تهدأ ..
كم تمنيت أن تذهب ..
كم تمنيت أن أحلم ..
و لكن .. بلا جدوي ..
أحلام بلا مأوي ..
كبريق نجم في عمق ظلام ..
ما لبث أن أضاء حتي أظلم ..
كطيف عابر في سماء شاردة ..
ما لبث أن اختفي ..
حقا .. انها أحلام ..
و لكن .. بلا مأوي ..
Esraa Hamed
12/1/2008
37 comments:
إسراء :)
المفروض ان انا اول تعليق .. مش عارفة حد هيسبقني و انا بكتب و لا لأ ..
انا حاسة ان في ازمة احلام عندنا .. يل ترى مين السبب فيها ؟ احنا و لا همة و لا حد تالت او رابع مانعرفهوش ؟؟
انا احلامي بتتكسر .. بقيت فاضية من الاحلام ..
طيب و بعدين ؟؟
تفتكري ان الاحلام مهما كانت بلا مأوى ، من حقها انها تاخد بعضها و تمشي و احنا اللي صنعناها و كبرناها ؟؟
______
تحياتي ليكي يا إسراء
المشكلة فى الحلم إنك مش تحلم و تحققه بس المشكلة فى الحلم
يا ترى الحلم ده فعلا هو الحلم المناسب ليك و هو فعلا الحلم اللى هيحقق طموحاتك بعدين
شكرا ليك
أسلوب حضرتك روعة ...
تحياتى
فعلا ما أكثر الأحلام التى تنكسر فى حياتنا
تحياتى لأسلوبك وفكرك الجميل
مصطفى
انا ببقي مبسوطة قوي وانا بقرالك مش عارفة ليه
بعيداً عن الانبساط
............
احلام
كم تمنيت ان تذهب
فعلاً
بس تخيلي مش عايزاها تذهب
كم تمنيت أن أحلم
فعلاً
بقالي كتير محلمتش زي الناس الطبيعية
مجرد احلام بصنعها في عقلي ولا أراها اثناء نومي
( الانسان الطبيعي بيحلم حتي لو مش بيحس انه حلم)
بس انا نفسي استمتع باني حلمت
كبريق نجم في عمق الظلام
ما لبث اضاء حتي اظلم
ساعة النور دية بتبقي روعة
ببقي مستنية نجم تاني ينور و يخبو
مببقاش عارفة بعدها هوه كان منور من انهو اتجاة
احلام
لكن مأواها قلبي
ولا يريدها عقلي
او بمعني أصح لا يريدها المجتمع المحيط
و عقلي متأثر به
مش عارفة بتكلم عن إية
بس انا حاسة كل كلمة قلتيها
مش عارفة حاسة بإية بس حاساها
دمتي سالمة
ربنا يعزك يا رب يا اسراء
سلامٌ عليكي
أحلام بلا مأوي
حقيقة كلنا لدينا هذه الأحلام
ومأواها هو تحقيقها
رائعة يا إيسو العزيزة
سلمت يداكي حبيبتي
انا قولت من البداية انتي لازم تكوني شاعرة أو أديبة..
اسلوبك بجد يجنن؟؟
وبما اننا في مرحلة الاحلام.. فانا بدعوكي علشان تاخدي التاج بتاعك من عندي وتجاوبي عليه.. بس وانتي صاحية مش بتحلمي؟؟؟ هههههه
تحياتي
كعادتك دائما عدتي متألقه
كبريق نجم في عمق ظلام مالبث أن أضاء حتي أظلم
أعجبتني جدا هذه الجمله وشعرت بها جدا وهكذا دائما تكون الأشياء الجميله تمر سريعا وكأننا لم نراها
أدام الله تألقك
إخواني أخواتي الأعزاء
السلام عليكم ورحمة الله وبركاته
استودعكم الله الذي لا تضيع ودائعه
إجازة من التدوين ...
ولكني سأكون على تواصل معكم بزيارة مدوناتكم ...
أرجو أن تسامحوني على تقصيري في حقكم ...
وتفضلوا بقراءة البوست الأخير ...
إلى اللقاء والسلام عليكم ورحمة الله وبركاته
أخوكم
said
جميلة اوي كلماتك
ابدعتي كعادتك
السلام عليكم ورحمة الله وبركاته
ماشاء الله كلمت جميله
ربنا يحقق لك كل احلامك وماتكونش احلام بلا مأوي
سلام
وإن كانت كذلك
فسيستمر الحلم
ربما يُخطأ الحلم ذات مرة
ويتحقق ...
أحلام بلامأوى فعلاً ...
فلقد تمنيتي أن تذهب وتمنيتي في نفس الوقت أن تحلمي بها
ولكن جعلتيني
اتساءل مثل ماذا تلك الأحلام
شيماء
اولا منوراني و سعيدة انك اول تعليق
عايزة اقولك بقي احنا اللي لازم نحافظ علي احلامنا طالما احنا اللي صنعناها لازم نبقي ادها و مسئولين عنها و لو هربت منا يبقي العيب فينا احنا
عمرو وجيه
زيارة حضرتك شرفتني جدااا
اما عن تعليقك فرأيي اننا لما نحلم لزم نحلم صح من البداية عشان منتفاجئش بعد كده ان الحلم ده مش مناسبنا
تحياتي ليك
مصطفي
زيارة شرفتني
جزاك الله كل خير
---------------------
نعكشة
انا اللي ببقي مبسوطة و الله و انا بقرأ تعليقك بحس انك فاهماني اوي
نورتيني يا جميل
نيرمو يا قمر
مرحبا بيكي في عالم التدوين
بجد سعيدة جداااا بزيارتك و تعليقك
نورتيني يا قمر
في حب مصر
هاجي حاضر اخد التج
ربنا يكرمك بجد علي كلامك الجميل
و كالعادة مشرفني في المدونة
تحياتي
-------------
وائل كامل
اهلا بحضرتك من جديد بمدونتي
كنت افتقدت تشجيع حضرتك و ارائك
جزاك الله خيراااا
السلام عليكم
ساعات الواحد من كتر ما بيحلم
واحلامه مبتتحققش بيبطل يحلم
وهو ده بقى اغلب ظن الشباب
ربنا يستر على الايام الجاية
بوست جميل اوى
سلالالالالالالالالالالالالالالالالالالالالالالالالالالالام
تعرفي .. كلامك خلاني افكر مع نفسي ... وبعدين اكتشفت ان عمري ما حلمت حلم و حققته .. أو عمري ما حلمت حلم يستحق انه يتحقق ..يمكن عشان لسه ما عملتش حاجة فى حياتي ؟ مش عارفة
بس هي سنة الحياة ان مش كل اللى عايزينه بتاخده .. وليس كل ما يتمناه المرء يدركه ..
ساعات بننسى اننا هنمشي في يوم من الأيام .. عشان كده بنزعل قوي على الحجات اللى مننا . .
كلامك جميل يا اسراء .. ما شاء الله عليكي
: بس ممكن تفهميني الجزئية بتاعت
ما أقسى صراخ تلك الاحلام
كم تمنيت ان تهدأ
كم تمنيت ان تذهب
كم تمنيت ان احلم
لو هي أحلام بلا مأوى .. ليه بتتمني تحلمي ؟
SaLaM
جميلة مدونتك اختي
اسلوبك رائع ماشاء للهعليكي
تقبلي مروري
جيت ازورك ..
لقيتك مش موجودة ..
ابقي طمنيني يا اسراء :)
اسراء
ليكي مني اعتذار قبل ماتكلم ياريت تسامحيني عالغيبة دي
انا داخلة اطمن عليكي ولسه مقرتيش الجديد بس انا عايزة اقراه وانا في نفسية احسن من كده
ابقى طمنيني عليكي انا كنت بتابعك والله من بعيد لبعيد وان شاء الله هابقى اشرحلك ظروف الفترة اللى فاتت في يوم من الايام وياريت تسامحيني
ليكي من ارق الورود
الله عليك يااسراء بجد
ماشاء الله عليك اسلوبك روعة
أحلام بلا مأوى
كبريق نجم فى عمق ظلام
مالبث ان اضاء حتى اظلم
كطيف عابر فى سماء شاردة
مالبث ان اختفى
ربنا يديم عليكى موهبتك
وتحققى كل احلامك يارب وتتمسكى بيها عشان تقدرى تحققيها
ارق تحية منى
جميل أوي تعبيرك و اسلوبك جميل اوي
لكن خليني أقول لك
أحلامنا احنا اللي بنوجهها..واحنا اللي بنور ليها على مأوى
ولو كانت أحلامنا تايهة..يبقى المشكلة عندنا احنا
المشكله فينا احنا
مش الاحلام
تحياتي ليكي يا اسراء
أخي الكريم جني
اعذرني لتأخري في زيارة مدونتك
انا وضحت ده في البوست الاخير عندي
أرجو أن تنتهي اجازتك التدوينية سريعا و تعود لنا بجديدك عن قريب ان شاء الله
تحياتي
أريج السمر
أسعدني مرورك يا قمر :)
تحياتي
-----------
خمسة فضفضة
سعدت بمرورك و تعليقك جدااا
تسلمي يا جميلة :)
حمامة
ربما يُخطأ الحلم ذات مرة
ويتحقق ...
يااارب
دعواتك يا حمامة و بجد اشكرك علي مرورك و تعليقك الجميل
Hu-man
ٍأسعدني مرور حضرتك
أما عن ..
كم تمنيت أن تذهب
كم تمنيت أن أحلم
فأحيانا نتمسك بأحلامنا رغم ايقاننا أنها لم تكن تناسبنا منذ البداية
قد كانت بلا مأوي
فطبيعي أن تنتهي ليحل محلها فيما بعد أحلاما جديدة علّها تجد مأواها هذة المرة
تحياتي
حدوتة
يكفيني كلمة أحبتتها لمحمد منير
لو بطلنا نحلم نموت
يارب منبطلش نحلم
يارب نرجع تاني زي زمان و بلاش اليأس اللي بقينا فيه ده
شرفني مرورك جدااا
تحياتي ليك
الجميلة فانيليا
بدايةً مرورك و تعليقك مفرحني جدااا
حسة من كلامك انك فاهماني اوي
و سعدت جدااا ان الكلام خلاكي فكرتي مع نفسك
ده اللي بتمناه من الكتابة انها تخلينا نتعمق جوانا و نطلع كل الي مضايقنا و عاملنا مشكلة و نحله
في مقوله لباولو كويلو في روايته الرااائعة الخيميائي
كان بيقول فيها
" وعندما تريد شيئاً ما، فإن الكون بأسره يتضافر ليوفر لك تحقيق رغبتك " .
انا مصدقة المقولة دي جدااا
ساعات احنا اللي بنتنازل بسهولة اوي عن احلامنا و احنا متأكدين جدااا ان الاحلام دي هي فعلا اللي احنا عايزينه
و للأسف ساعات بنتمسك بأحلام تانية جداا رغم ايقاننا انها لم تكن لتناسبنا يوما ما
و يمكن ده تفسير الجزء اللي بتسألي عنه
انا كمان رديت علي تفسير نفس الجزء علي الأخ Hu-man
سعدت بمرورك و تعليقك جدااا
و اتمني زيارتك دائما
تحياتي :)
عاشقة الجنة
سعدت بمرورك و تعليقك جدااا يا قمر
جزاكي الله كل خير
--------------
جميلتي شيماء علي
أشكر لكي سؤالك ربنا يكرمك يا قمر
البوست الجديد نزل خلاص
و بجد بعتذر جدااا عن التأخير في متابعة مدونتك
بجد ميرسي جدااااا علي سؤالك
جزاكي الله خيرااا :))
حبيبتي سارة
انا اللي بتمني تسامحوني علي تقصيري الفترة اللي فاتت
و بجد انا اللي نفسي اطمن عليكي علطول باجي مدونتك مش بلاقي جديد
اشكرك جدااا بجد علي سؤالك و اعذريني فعلا لتقصيري
يارب تكوني بخير ان شاء الله و تطمنيني عليكي قريب
توتا الحبيبة
سعدت بمرورك و كلامك الجميل جداااا
بجد ربنا يكرمك يا قمر علي تشجيعك ده
و فعلا محدش هيقدر يحقق احلامه لو متمسكش بيها
جزاكي الله خيراااا كثيرااا
و اعذريني لتقصيري و تأخري في زيارة مدونتك
الاخ العزيز محمود سعودي
سعدت بتعليقك و رأيك اللي من الاراء اللي بعتز بيها جدااا
جزاكم الله كل خير
عاملة زي أحلامي بالظبط طول مانا شايفاها مبتحققش فهي بالنسبة لى احلام بلا ماوى زي اللى كتبتي عنها
بس ياريت تفضل احلام تهون علينا الواقع ومتتحولش لكوابيس بنعيشها
تحياتي
سارة
انتي بجد قلقاني عليكي جدااا
طب لو ينفع نتكلم علي الميل قوليلي
بس اهم حاجة متبقيش مضايقة تأكدي ان اي حاجة مهما كان ظاهرها شر ايد جواها خير كتير ممكن تكوني بس مش واخده بالك منه دلوقتي
ربنا يوفقك يا حبيبتي و يحققلك كل احلامك
أنا ضفتك خلاص يا إسراء
إن شاء الله نتكلم ومتقلقيش انا كويسة
Post a Comment