قبل ما أقول الخاطرة في حاجتين مهمين جداااا لازم أقولهم
أولا اعتذااااار كبير جدااا عن تأخيري و عدم متابعتي الجيدة لمدوناتكم و التعليقات عندي بس فعلا كنت في ظروف نفسية سيئة نوعا ما ..
بجد اعذروني و ان شاء الله هتابع كل المدونات تاني و هرد علي كل التعليقات
و طلب صغنتوت جدااا
دعواتكوااااا :)
-------------
تاني حاجة و هي حاجة بسطاني شخصيا جدااا و يارب تبسطكوا انتوا كمان
عايزة اهني اجمل بنت في الدنيا بمناسبة صدور ديوانها الأول "أطياف الصمت"ـ
امبارح كنت في حفلة توقيع ديوان شيماء سمير صديقتي الجميلة و بجد الحفلة كانت اكتر من رااائعة و شيماء أضاءت المكان كعادتها
بجد لااااازم كولكوااا تيجيبوا الديوان
اناواثقة انه هيعجبكوا جداااا ان شاء الله
----------------------
أخيرااا هسيبكوا دلوقتي مع الخاطرة
يارب تعجبكوا
ليتني أدرك !!!
سماء بلا حدود تملؤها سحب و غيوم ...
تكاد تخفيها فلا يظهر منها سوي طيف أزرق خفيف ...
و نجوم تضئ الكون تختفي أيضا واحدة تلو الأخري , فلا نكاد نري سوي تلك السحب و الغيوم ...
أكاد أراها أشباحا تخفي وراءها أجمل سماء ...
و أعود و أتذكر أنه لولاها لما حصلنا علي خير تلك السماء ...
و اعود لأتذكر تلك الحكمة ...
و أعود و استعجب منّي و من حالي ...
أأنسي أم اتناسي ؟؟!!
انها حكمة الدنيا ...
انها سماء الخلود ...
انها دنيا الحكيم من رب حكيم ...
و سنظل نحن .. كما نحن ...
نبتلي فنحزن .. و نكافأ فنفرح ...
و أحيانا قد نتبادل الأحوال !!!
و ليتنا في كلاهما نمزج قليلا من الفرح مع كثير من الثناء ...
ليتنا نحيا في تلك الدنيا .. ليتنا نشعر بما نحن فيه من حياة ...
و لن نحيا طالما مازلنا لا نملك سببا للحياة ...
و لن نحيا طالما لا ندرك كيف الحياة ...
و لا أدرك أأعجز أنا عن الحياة أم تعجز الحياة عني ...
و لا أدرك ما لا أدرك و ما أدرك .. و كل ما أدرك أني الآن علي قيد حياة ...
و لكن أي حياة لا أدرك ...
و ليتني أدرك !!!
إسراء حامد
23/12/2007
45 comments:
[ldh
جميل يا اسراء
كلمات معبرة
تحياتى
اولا .. يارب كل امورك تكون بخير و النفسية تكون تمام عن قريب جداً ان شاء الله مش علشان تنوري المدونات كلها بتواجدك لكن علشان تكوني سعيدة و مبسوطة دايما يارب
---
و مبروك على الديوان و بالتوفيق لها يارب دايماً
---
اما الخاطرة حلوة جدا و اعجبني رؤيتك لفكرة السعادة التى لولا الالم و الحزن ما عرفنا طعم لها .. فهكذا الحياة و لكننا نجزع رغماً عنا اذا ما اصابنا الحزن .. انها طبيعتنا البشرية
اسعد الله قلبك
و دمت بكل الخير
ربنا معاكي يا اسراء ويعملك كل الخير
ليتنا جميعا ندرك معني الحياة
والادراك ليس مجرد المعرفة
وسنظل نحن كما نحن
نبتلى فنحزن ونكافأ فنفرح
ليتنا نشعر بما نحن فيه من حياه
الله الله عليكى يا اسراء
يارب عقبال ما اسمع عنك نشر الحاجات الجميلة بتاعتك دى
وربنا يوفقك يا جميل يارب
ربنا معاكى وعود أحمد إن شاء الله وننتظر ابداعاتك الخاطرة
دمتى مبدعة
الحبيبة اسراء
جزاكى الله خيرا
انتى اجمل
دعواتك بالخير حبيبتى
والادراك معنى فى حد ذاته
يحتاج للادراك
فليتنا ندراك
احبك فى الله
دعواتك
الحقيقة وبدون مجاملة جميله جميله وفيها فكرة قويه جداً وتعمق لوجهة نظر فلسفية في معني لحياة لم نخير في إرتداءها لكن كلماتك بجد عميقة جداً والفكرة لما بتكون واضحة بتكشف عن خط واضح لدى الكاتب انه عاوز يقول حاجه مش اي شخبطه وخلاص
ابدعتي
حسن أرابيسك
ألف مبروك لصحبتك على الديوان , وعوقبالك يااااااااااااارب
الخاطرة جميلة كان عاجبنى فيها حاجات معينة بس معرفتش اقتبسها , وياستى مش مهم تعلقى عندنا المهم نعرف انك بخير
حمدالله على السلامه يا اسراء
والف مبروك لاسماء وبالتوفيق ان شاء الله
وعقبال منشوف ابداعتك ماليه المكتبات
لانك فعلا مبدعه وتستهلى كل خير
البوست رائع يا اسراء
رائع من الناحيه الادبيه واختيارك للالفاظ والمفردات وكمان الوعاء الادبى جميل
لككن انا مشفق عليكى من الحاله دى
يارب لو كنتى فى ازمه ربنا يخرجك منها بسرعه
عجبنى البوست اوى
تسلم ايدك
تحياتى
والله كلام جميل وواضح انه انعكاس للحاله النفسيه الي بتمري بيها
ربنا ييسرلك الامور ان شاء الله
و اعتقد انك لو مريتي على المدونه بتاعتي ممكن تقري الموضوع الي بعنوان غباءات ممكن تلاقي فيه تقارب في الفكره شوفي كده و قوليلي
إسراء..
ربنا يكرمك و ينور طريقك و يحفظك و يحميكي و يفرح قلبك و يهديكي للصح ..
هي دي الدعوة :)
_____
هحاول احصل على ديوان شيماء سمير لما ارجع مصر :)
_______
الخاطرة كويسة يا اسراء
انا عاوزاكي ترجعي تكتبي تاني .. انا شايفة ان التواريخ قديمة ..
اكتبي تاني
و ماتبطليش..
كويس انك طمنتينا عليكي ..
ربنا معاكي يا رب.
يا رب تكونى احسن دلوقتى
انها فعلا دتيا الحكيم فهو يحكم بحكمه فيعفو بعفوه ويعاقب بقوته
بحد خاطرة ممتازة
اسراء
يارب تكونى كويسة ونفسيتك احسن دلوقتى واكيد كل اللى بيدخل بيدعيلك ربنا يوفقك ويفك عنك اى ضيق يارب
ومبروك الديوان لشيماء انا باسال عليه شكله لسه ماوصلش بورسعيد باذن الله هيكون ديوان جميل وعقبال ديوانك الاول انتى كمان يااسراء
مش محتاجة اقولك اد ايه الخاطرة جميلة انتى اسلوبك رائع وده المتوقع منك واتمنى انك تكونى كويسة ونفسيتك احسن ومايكونش للخاطرة اى علاقة بحالتك حاليا
طمنينا عليكى
السلام عليكم
كلمات جميلة ومعبرة
يا رب تكون الظروف السيئة دى عدت وخلاص
سلالالالالالالالالالالالالالالالالالالالالالام
ولن نحيا طالما لا نملك سببا للحياة..
ولن نحيا طالما لا ندرك كيف الحياة..
تصدقي بالجملتين دول انتي اختصرتي معنى الحياة بالكامل.. انتي فعلا رائعة.. ربنا يوفك وحمدلله على السلام.. ويارب اشوف الديوان بتاعك انتي قريب
تحياتي
الله
تسلم ايدك بجد
دمتي متألقه
تحياتي
و الله هادعيلك من كل قلبى ربنا يفرج كربك
و تطمنينى عليكى ان شاء الله
متعرفوش بجد تعليقاكوا عملت فياايه
بجد انا سعيدة جدااااااا بيكوا و بالمدونة اللي عرفتني ناس جميلة كده زيكوا
ربنا يكرمكوا يارب
و انا الحمد لله بقيت كويسة كنت الاسبوع اللي فات في مطروووح و بجد الاسبوع ده فرق معايا جدااا و كنت محتاجاه اوي
هرد عليكوا كلكوا
بس نازلة دلوقتي اول لما ارجع ان شاء الله :)
جزاكم الله عني كل خير
اسراء با حبيبتي :)
ليكي عندي تاج ..
تعالي خديه عشان تعملي الواجب البوست الجاي .. ممكن ؟؟
:)
اسراء
هكذا دائما تمتعينا بكلماتك التي تحمل الفكرة قبل الكلمة ..
ولكن الست معي ان لو ادركنا الحياة ولو من نجمة وحيدة في سمائنا ستكون حياتنا اجمل ..
فلنبحث عن تلك النجمة
شكرا
السلام عليكم
الحمد لله على العودة إلى النفس يا أخت إسراء..
بسم الله الرحمن الرحيم
(وما خلقت الجن و الإنس إلا ليعبدون)
صدق الله العظيم
هذا هو سبب وجودنا فى الحياة...ومن لا يعرف سبب وجوده فى الحياة فليس العيب فى الحياة بل العيب فيه هو..
وأحيانا يجد الاشيطان مدخله للإنسان من هذا الجانب..
أدام الله عليكى نعمته و أدامكى قريبة منه و حفظكى من هذا الشعور..
آمين آمين
السلام عليكم
الحمد لله على العودة إلى النفس يا أخت إسراء..
بسم الله الرحمن الرحيم
(وما خلقت الجن و الإنس إلا ليعبدون)
صدق الله العظيم
هذا هو سبب وجودنا فى الحياة...ومن لا يعرف سبب وجوده فى الحياة فليس العيب فى الحياة بل العيب فيه هو..
وأحيانا يجد الاشيطان مدخله للإنسان من هذا الجانب..
أدام الله عليكى نعمته و أدامكى قريبة منه و حفظكى من هذا الشعور..
آمين آمين
جميل جدا
ورائع
وبوست هايل
ربنا يوفقك و
الى الامام
كلام علي بلاطة
شرفني مرور حضرتك جدااا
جزاكم الله خيرا
أريج السمر
تعليقك بيفرحني اوي بجد
ربنا يكرمك يا حبيبتي و دعواتك بجد
سنووايت
نورتيني يا جميلة
دعواتك
-------------
فاطمة
ربنا يكرمك يا بطوطة
و عايزاكي تدعي اوي
احبك في الله بصدق :)
-------------
ايجي بوي
اسعدني مرور حضرتك جدااا
جزاكم الله كل خير
زهرتي الجميلة
جزانا الله و اياكم يا حبيبتي
ربنا يكرمك بجد
و انا و الله بحبك في الله جدااااااا
:)
حسن ارابيسك
شرفني مرور و تعليق حضرتك جدااا
جزاك الله كل خير
زي الهوا
انا عارفة و الله اني مقصرة
بس جت الفترة اللي اعتذرت منكوا في البوست دي و بعدها علطول سافرت و لما رجعت النت كان فاصل و لسة جاي انهارده
هاجي مدونتك و هعلق ان شاء الله علي كل اللي فاتني
ربنا يكرمك يا قمر
و بجد انا سعيدة جدااا بزيارتك
:))
الأخ العزيز ممكن
اشكر لك روحك الطيبة بجد جزاك الله كل خير علي دعواتك الجميلة
و بجد انا محتاجة الدعوات دي اوي
جزاك الله كل خير
بندق
جزاك الله كل خر لمرورك و تعليقك الجميل
و معلش اعذرني لتاخري في زيارة مدونتك بس هاجي ان شاء الله عشان اشوف البوست بتاع "غباءات" و هقولك رأيي
دعواتك
الجميلة شيماء
بجد دعواتك اسعدتني جداا و كلامك و تعليقك بجد بيخليني احبك و اتمني اني اعرفك اكتر
انا فعلا بقالي فترة مش بكتب غير قليل جدااا بس ان شاء الله هرجع اكتب تاني بس بفضل تشجيعكوا الجميل ده
ربنا يكرمك يا عمري
:))
funckydoctor
شرفني مرور و تعليق حضرتك جداا
جزاك الله كل خير
توتااا الجميلة
نورتيني يا قمر
و بجد دعواتكوا فرقت معايا جااامد
ربنا يكرمككواا ياااارب و يخليكوا ليه دايما
علي فكرة احسن حاجة فعلا في التدوين هي الناس الجميلة اللي بنعرفها
جزاكي الله كل خير يا حبيبتي و انا الحمد لله بقيت احسن دلوقتي بس افضلي ادعي بردو يعني :))
اخي العزيز حدوتة
الحمد لله اانا احسن كتير دلوقتي بفضل دعواتكوا
جزاكم الله خيراا
و اعذرني علي تقصيري في متابعة مدونتك بس ان شاء الله هاجي و اشوف كل اللي فاتني
في حب مصر
تعليقك شرفني جدااا
و ادعيلي بس و ان شاء الله يكون قريب
جزاك الله خيرااااا علي متنابعتك الجميلة رغم تقصيري
محمود سعودي
جزاكم الله خيرااا لتعليقك
حقا اسعدني
الجواز و سنينه
ربنا يكرمك يا حبيبتي بجد
بجد و اله انا سعيدة جداااااا دلقتي اني اعرف ناس طيبين كده
ربنا يكرمك و يسعدك و يرزقك بكل الخير
الاخ العزيز جني
معك كل الحق
فلنبحث عن تلك النجمة
جزاك الله كل خير لمتابعتك الجملة
و عذرني لتقصيري معك
الأخ الفاضل واحد من البلد دي
جزاك الله خيراا لتعليقك الجميل
و معك الحق طبعا ومن لا يعرف سبب وجوده فى الحياة فليس العيب فى الحياة بل العيب فيه هو
اشكرك لمرورك و تعليقك و دعواتك الجميلة
جزاك الله كل خير
جوايا شئ نفسه يشوف النور
جزاك الله كل خير لمرور حضرتك الجميل
عزيزتي اسراء
اول تدوينة لي هنا
تحياتي لاسلوبك
استمتعت بكل نقطة على كل حرف
ان تعاملنا وكتبنا فقط من قلوبنا فكل المشاعر تصل بكل تفاصيلها وعنفوانها
وحتى هدوئها
تحياتي لاسلوبك
دمت بخير
نووور
بجد سعيدة جدا بمرور و تعليق حضرتك
تحياتي
allah 3liky ya esra2 bgd klam 7lw w mo3br awy estmry ya fnana
هدى معادن
هدي يا قمر
بجد مبسوطة جداااااااااا اني قريتي كلامي و عجبك
بجد انتي اللي زي القمر
Post a Comment