لو اني أعرف خاتمتي ..
"لو اني أعرف خاتمتي .. ما كنت بدأت .. " جملة غناها العندليب و كتبها الشاعر العظيم نذار قباني .. لا أعرف ما دفعني لتأمل تلك الجملة " لو اني أعرف خاتمتي .. ما كنت بدأت .. " ربما بحثي الدائم وراء سر الغيب .. دائما ما أفكر لماذا غيّبت عنّا مستقبلاتنا .. أحلم دائما ببوابة الزمن .. ياااااه أد ايه نفسي ألاقيها .. أتخيلني كثيرا عالقة في فيلم كرتون .. عندي بوابة الزمن أسافر منها للتاريخ الذي أحدده أو يتملكني فضولي في الوصول لخباياه ..
أتيقن تماما أن كل ما أراده الله بنا خيرا .. و ربما هذا الخير هو ما اكد لي أن اخفاء الله للغيب عنا لهو كل الخير ..
مش ده اللي عايزاه دلوقتي .. البحث وراء تلك الكلمة "لو أني أعرف خاتمتي" و تلك الكلمة بالتحديد ماذا لو عرفنا جميعا خواتيمنا .. أحقأ لن نبدأ ؟!!!
هذا هو كل ما استوقفني في تلك الجملة .. شعرت ببعض التشاؤم فيها و عدت لأتذكر أننا دائما ما نعرف القرار الأصح بعد الوصول لنهاية الأمر .. اذا أهي واقعية أم تشاؤم ؟!!!
لو تخيلنا أننا جميعا نعرف خواتيمنا .. لو هتكلم عن نفسي فقط الآن لو عرفت ما سيحدث لي مستقبلا سواء خيرا أم شرا و تيقنت بحدوثه فإن كان خيرا له سوابق جهد فلن أعمل .. يعني ليه هتعب نفسي !! طالما كده كده اللي بتعب عشانه هيحصل .. و لو فرضنا شرا سيحدث فالغالب سأصاب بنوعا من الاحباط سيعود بي أيضا لعدم العمل و اضافة عليه التعاسة ترقبا لتلك النهاية البعيدة و ربما لو كنت ستألم وقتها اذا لم اعلم بها مسبقا يومان فالأن سيظل الألم صاحبا لحين وقوعها ..
ما أجملك يا نذار .. اختصر كل هذا الرغي في بضع كليمات ليتغني بها حليم و نطرب نحن بها و ربما تستوقفنا فندرك حينها عظمة الله و جميل حكمته ..
إسراء حامد
--------------------
من أغنية " رسالة من تحت الماء " للفنان الجميل عبد الحليم حافظ .
24 comments:
جاء فى الاثر المقوله الشهيره
(لو علمتم الغيب لاخترتم الواقع)
وانا اعتقد انها مقوله منطقيه جداً
فجمال الحياه فيما تحمله من مفاجائات مستمره وهذا ما يعطينا الامل فى الحياه ويجعلها اكثر لذه وجمال
فلو ان كل منا علم انه سيفشل فى النهايه فلن يبدائ ابدا
لن يبداء الحب
لن يبداء العمل
لن يبداء الحياه
البوست جميل بس اعتقد ان نزار غلط فى المعنى
واليكى التعيل
مع انى اعلم ان البحر عميق جداً
فقد ابحرت
مع انى اعلم ان الحب خطير جداً
فقد احببت
مع انى اعلم خاتمتى
فقد بدات
تحياتى
جميل اوى يا سوسو البوست ده وهقولك زى momken
(لو علمتم الغيب لاخترتم الواقع)
ربنا فعلا جميل اوى انه سبحانه وتعالى خلى علم الغيب مخفى عننا علشان نجتهد ونعمل ونظل نامل ان يكون الغيب افضل باذن الله
ازيك يا إسراء أحياناً بيكون إخفاء الخاتمة أحسن لأن لو عرفت خواتيم الأشياء قبل حدوثها ستمتنعى عن الإستمرار فيها وبالتالى ستمتنعى عن الإستمرار فى الحياه كلها ولو كل واحد عرف خاتمةالأشياء وإمتنع عن البدء فيها من الأساس مش هيكون فية خير وشر وحلو ومر وعجلة الحياة هتقف وهتكون دى النهاية للكون كلة
من حكمه ربنا اننا مش نعرف خاتمتنا
موضوع مفيد جدا لنا
لو علمنا الغيب لفقدنا متعة كبيرة جدا في حياتنا وهي انتظار النتيجة والتحرق شوقا لها ..
ولفقدنا متعة العمل والجهد حتى ولو كان بتعب ومشقة ..
ولفقدنا القدرة على التفكير واعمال العقل ..
لفقدنا حياتنا ومتنا مجازا في انتظار الموت الحقيقي ..
بحب الاغنيه جداا وبحب كلام نزار
وجميل اوىىى اوىىىى تأملك ليها اسراء دايما تمتعينا بتأملاتك وكلماتك
وفى مقوله بقرأها كتير للجميل عبد الوهاب مطاوع
" لو علمتم الغيب لأخترتم الواقع"
اعتقد مناسبه للبوست
شكراااااا ليكى وفى انتظار مزيد من التأملات
عندي نفس الشعور بالفضول للي هيحصل بعد كدة
إلا اني ببقة مُرغمة علي الانتظار
أخاف كثيرا من اتخاذ القرارات التي تعتمد علي تفكير و حسابات لان سيترتب عليها حياتي مستقبلا
اعيش الحياة هكذا بهوجائية
لو انني اعلم خاتمتي ما كنت بدأت فعلا
وخصوصا لما تكون العواقب وخيمة حتى بعد بذل مجهود
طبعاً الحمد لله علي كل حال و ربنا شايلي الثواب بتاعي بعدين او في الاخرة
بس لما تعرفي انك حتى بعد كل المجهود اللي هتعملية هتيجي نتيجة سلبية
يعني مثلا لو دكتور عرف ان المريض هيموت في العملية
مكانش هيركز قوي ولا هيبذل قصارى جهدة
ماهو هيموت يعني
لو ام مثلا تعرف ان ابنها في الاخر هيبقى مدمن كدة كدة و هيموت من جرعة زيادة مكانتش هتقلق ولا تربي
كان هيحصل شيء منا لركود
كنا هنقعد كدة
ماهي الدنيا هتمشي وخلاص
طيب هتمشي ازاي واحنا مبنمشيش
مبحبش احساس الستارة الحمرا بتاعت المسرح اللي قدامي و بتتكشف شوية بشوية
في حركة من التشويق عشان يظهر المشهد اللي وراها
ببقى نفسي اروح و اشلها بسرعة عشان اعرف بقة
بس مكانش هيحصل تشويق ولا كنت هبقي عندي احساس الاثارة و الانتظار
ولا الفرح ولا الحزن ولا اختلاف حالاتي
الحاجات الغيبية و خصوصا المستقبل
مبحبش الاحساس بس بحبه
هههههههه
يلا خير
سلام عليكي
3agabny awyyyyyyy kalam na3kasha ....fl sameem ya3ny
7elw ya esso e7sas en enty ta7'dy fe3ln gomla w tela2y en ta7eha kalam keteer w taktashfy fag2atan ma3ana el gomala ely kol el nas bet2olha ( خير الكلام ما قل و دل)
all u said is sooo true but not the end i wanna know i wanna know el 7agat el motarateba 3ala my choices so i can choose right and don't blame myself
Roody
لوكنا نعرف خواتيمنا لتوقفت الحياة ولم يكن للحياة معنى
اللهم أجعل خواتيمنا خيرا
د/هيما
اين انتي؟؟؟
*-)
لعل المانع خير
اسراء هانم
بقالك كتير غايب وفايتني
كلامك وتدويناتك وحشتني
هتكتبي امتي بقي الجديد
انا جيت وقرأت الموضوع كذا مره
بس مكنتش فاضي اعلق
ودلوقتي بعلق وبقولك يلا بقي اكتبي تاني
ومستنيكي
بعتذر جدااا عن التأخير
بس كنت مسافرة
ادعولي كتير و ادعوا لمامتي بالشفاء
أخي العزيز ممكن
مع انى اعلم ان البحر عميق جداً
فقد ابحرت
مع انى اعلم ان الحب خطير جداً
فقد احببت
مع انى اعلم خاتمتى
فقد بدات
و ها أنا انتهيت ..
فتعلمت ..
تحياتي لكلماتك
اوشا الجميلة
لو علمتم الغيب لاخترتم الواقع
انا بحب الجملة دي جدااااااا بحسها دايما وراها امل كبير
منوراني يا قمرة رغم اني زعلانة منك اوي عشان حذفتي مدونتك
بس لسة حسابك معايا بعدين
:)
الجميلة صدي الصمت
بحييكي علي كالمك الجميل
عجبني ردك جدا بجد
نورتيني يا جميلة
:)
كيارا
نورتيني يا قمر
:)
اخي الفاضل جني
اسعدني مرور و تعليق حضرتك جدااا
رومانسية الرقيقة
بحب ردودك و تدويناتك و كل حاجة بتكتبيهاو طبعا اكتر حاجة فرحتني انك بتحبي نذار زيي
نورتيني يا قمرة
نعكوشة الجميلة
مبحبش الاحساس بس بحبه
و انا كمان علي فكرة
انا كمان ببقي زيك هموت من الفضول عشان اعرف ايه اللي جاي بس في نفس الوقت بخاف اعرفه احسن يكون مش حلو
يعني هو موضوع ملخبط شوية
لما يبقي نفسك في الحاجة و في الوقت نفسه مش عايزاها
نورتيني يا جميلة
رووودي
و انا بقول المدونة منورة كده ليه
:))
كلام نعكشة عجبني جدااا بردو
و كلامك كمان جميل
انا فعال ببقي نفسي اعرف النتائج المترتبه عيل اختياراتي عشان اتعلم اختار صح
بس لو ده حصل فعلا هنلاقينا مبقيناش نعرف نختار خالص لاننا بس بقينا معتمدين علي اننا بنختار و نعرف النتيجة فنعيد الاختيار
مبقيناش نعرف اسس الاختيار الصح اصلا و طبيعي كمان طالما كل اختياراتنا بقت صح مش هنعرف ازاي نتأقلم مع الظروف الجديدة و مش المشاكل اللي كده كده لازم هتحصلنا طالما احان لسة هنا في " الدنيا "
نورتي يا رودي
د/هيما
اللهم أجعل خواتيمنا خيرا
آميييييين
اسعدني مرور و تعليق حضرتك جدا
تحياتي
نعكشة
برقش
بعتذر مرة تانية علي التأخير جدااا
اسعدني تواجدكما
:))
ايوة
صحيح في حاجات كتير لو كنا عرفنا آخرها ماكناش بدأناها
بجد بجد
انا عدت عليا اوقات ندمت فيها جدا
اني ماخدتش بالي من الاول الى ما ستؤول إليه الاشياء في الاخر
بيبقى في علامات واضحة بس احنا بنمعن في التجاهل
للأسف !
جميله ماشاء الله
Post a Comment