صدمــــــــة

انا بجد اتصدمت
يعني مش مستوعبة ان الموت ممكن يكون حوالينا اوي للدرجادي و مش واخدين بالنا منه

بجد مش مصدقة لحد دلوقتي و مستنية حد يبعت يقول ان ده كان مقلب
انا بجد مصدومة و خايفة و حسة بحاجة غريبة
يمكن عمري ما قابلته قبل كده بس علي الاقل كنت بقرأ كلامه و بيعلق علي كلامي
مش عارفة اقول ايه بجد و مش قادرة اتكلم دلوقتي

بس بجد بالله عليكوا تدعوا كتيييييييير للفارس الملثم بالرحمة
http://raingrazy.blogspot.com/

رحمك الله و اسكنك فسيح جناته

حفل توقيع أحيانا و أحيانا بمعرض الكتاب

يوم الاتنين القادم باذن الله
2 فبراير
الساعة 5 مساءا

هيكون حفل توقيع كتابي الأول
أحيانا و أحيانا
بجناح دار أكتب بمعرض الكتاب
صالة 3 علوي

في انتظاركوا جميعاااااا
:)




ده لينك الايفنت علي الفيس بوك
http://www.facebook.com/home.php#/event.php?eid=66165600968&ref=ts

و ده لينك الجروب

The Official group on Facebook

كلمة شكر ...

امبارح كان اول يوم للكتاب بالمعرض
كان بجد يوم راااائع
عايزة اشكركوا كلكوااا
كنتوا دايما بتشجعوني اكمل كتابة
يمكن لولا المدونة مكنتش اديت لموضوع الكتابة ده حقه
لولا التشجيع و الردود و التعليقات و النقد
لولا متابعتي لمدوناتكوا و كتاباتكوا اللي اكيد اتعلمت منها كتير
و كتير اثرت في اسلوب كتابتي

بجد عايزة اقول
شكرااااااااااااااااا
و جزاكم الله كل خير
و متنسوش بردو تجيبوا الديوان عشان تكملوا مسيرة النقد و التشجيع
:D

----------------

عايزة كمان اقول كلمة شكر كبيرة جدااا لدار اكتب و صاحبها
ا.يحي هاشم
اللي ساعدني اني اطلع اول ابداع للنور

-----------------------

شكرااااااااااااااااااااا
لكل اصحابي اللي بردو وقفوا جمبي كتييييير جداااا
ساره و مي و دعاء و بسمة و ايمان و رضوي

و ساره كمال
اللي كانت يمكن اكتر واحده مشجعة فكرة الديوان
و رشا اللي كانت اكتر واحده بردو بتشجعني اني اكتب

و طبعااا شكرااااااا لشيماء سمير
صاحبة مدونة احتمال عشان هي اللي عرفتني اصلا بدار اكتب
و وقفت معايا كتير لحد ما الديوان طلع للنور

و قبل كل حاجة شكراااا لأمي اللي علمتني يعني ايه نجاح
و يارب يشفيها و ترجعلنا تاني زي الاول

جزاكم الله خيرااااا

و هستيني رأيكوا في الديوان
لازم كلكوا تجيبوه طبعااا
:D
محدش ينسي معرض الكتاب صالة 3 علوي اصدارات دار اكتب

منتظراكوا جميعااا
و دعواتكوا لمامتي كتير بالشفاء
:)

أحيانا و أحيانا بمعرض الكتاب 2009

و أخييييرا




انتظروا ديواني قريبا جدااااااااااا ان شاء الله بمعرض الكتاب

صالة 3 علوي
اصدارات دار اكتب للنشر و التوزيع



انتظركم جميعا و بشغف
و انتظر اراءكم و انتقاداتكم
و انتظروا حفل توقيع الديوان ان شاء الله
في اجازة نصف العام

****
جروب الكتاب علي الفيس بوك
http://www.facebook.com/group.php?gid=44181488502

****

دعواتكم كثيرااا لي ..
, لأمي بالشفاء

اعتــــذار

السلام عليكم

بداية كل عام و انتم بخير
بعتذر منكواا كتيييير علي غيابي الفترة اللي فاتت
النت فاصل عندي بقالو كتيييييييييير
و مامتي كمان تعبانة كتير و الامتحانات
يعني الدنيا ملخبطة حبتين
بعتذر كمان اني يمكن اكون مقصرة معاكوا الفترة الجاية


ادعوا لمامتي كتييييييييييير بالشفاء و استنوا ديواني قريب ان شاء الله
:)

كلمــــــات ..

كلمــــــات ..

• لا تنتهي الأشياء إلا لتبدأ أشياء أجمل ..
• دائما ما نترقب النهايات ..
• لكل بداية نهاية .. و بعد كل نهاية لابد من بداية جديدة ..
• علينا أن نؤمن بوجود عالم خارجي وعالم داخلي .. علينا أن نفصل دائما بين هذين العالمين ..
• أن تعود أدراجنا لمكان ما في هذا الزمان قديما كنّا أو حديثا .. ففي هذا المكان ستولد طاقات جديدة .. من المؤكد أنها تتعلق بهذا الجزء خصيصا من الزمان .. فلنري و لندرك إلي أين تأخذنا أفكارنا ..
• بذواتنا عقول .. لو لم نتقن ترويضها .. فهنيئا لها قيادتنا ..
• في مكان ما في هذا العالم يوجد بالتأكيد كل ما نبحث عنه في هذة اللحظة .. فلا تكف أبدا عن البحث و لا يمل عقلك من التفكير ..
• بحقيبتك ألغازا كثيرة .. فلتحاول فكها و مراقبتها بدلا من السماح لها باختراقك ..
• لك أحلاما و عليك تحقيقها أو السماح لغيرك بتبنيها و صنعها من جديد ..
• تعلم كيف تحلم و عش حلمك و اجتهد لتحقيقه و الا سيصبح هدفا لآخرين قادرين علي التحقيق ..
• علينا دائما استنزاف ثروات ذلك الماضي .. فليكن كما كان .. و لنكن منقبين دائما عن كنوزه .. فما هو سوي صحراء قادرة علي قتلنا عطشا أو إحياءنا باحثين مدركين العبر من كنوزها ..
• كن رحـّالا بين الأزمان .. ماضيا و حاضرا و مستقبلا ..
  فلنتعلم من الماضي ما يعبرنا عبر الحاضر لنحيا في المستقبل ..
• في مكان ما في هذا العالم تحيا كائنات أخري .. ربما تراقبنا من بعيد .. و ربما علينا نحن البحث عنها لندرك بعضا من أسرارها ..
• و أخيرا ..
  الأجمل دائما لم يأتي بعد .. ولكنه حتما سيأتي يوما ما .. فلنكن دائما في انتظاره ..
  

كل عام و انتم بخير

و ان شاء الله العام القادم نكون كلنا علي عرفات باذن الله
متنسوش صيام يوم عرفة و الدعاء لمامتي كتير بالشفاء

اسراء حامد

شـارع مدينة ...

شارع مدينة ...

مشيت في شارع مدينة .. لقيت للحياة وشين ...
شفت ناس حزينة .. و برغم ده عايشيين ...
و شفت ناس تايهيين .. بالدنيا ملهيين ...
و ناس الخير ماليها .. و ناس كل شئ ليها ...

شفت العبد و الأسياد
شفت الجرح و الجلاد
شفت الحب شفت الخير
شفت العاصي و العبـّاد

و نهر الحياة ساير ...
و ناس مراكبها عايمة .. و ناس من غير مراكب ..
و ناس في الوسط تايهة .. قاربها شراعه دايب ...

و نهر الحياة ساير ...
و ناس بالحب عايشة .. و ناس من غير مشاعر ...
و ناس بمليون وش .. ساعة تحب ساعة تغش ...

عايشين في دوامة ...
عايمين بعوامة ...
الموج و الهوي يقلبوها ...
و يا نغرق .. يا ندور في دوامة ...


Esraa Hamed
2007

*********************

خارج النص : ادعوا لمامتي كتير بالشفاء

لو اني أعرف خاتمتي ..

لو اني أعرف خاتمتي ..

"لو اني أعرف خاتمتي .. ما كنت بدأت .. " جملة غناها العندليب و كتبها الشاعر العظيم نذار قباني .. لا أعرف ما دفعني لتأمل تلك الجملة " لو اني أعرف خاتمتي .. ما كنت بدأت .. " ربما بحثي الدائم وراء سر الغيب .. دائما ما أفكر لماذا غيّبت عنّا مستقبلاتنا .. أحلم دائما ببوابة الزمن .. ياااااه أد ايه نفسي ألاقيها .. أتخيلني كثيرا عالقة في فيلم كرتون .. عندي بوابة الزمن أسافر منها للتاريخ الذي أحدده أو يتملكني فضولي في الوصول لخباياه ..
أتيقن تماما أن كل ما أراده الله بنا خيرا .. و ربما هذا الخير هو ما اكد لي أن اخفاء الله للغيب عنا لهو كل الخير ..
مش ده اللي عايزاه دلوقتي .. البحث وراء تلك الكلمة "لو أني أعرف خاتمتي" و تلك الكلمة بالتحديد ماذا لو عرفنا جميعا خواتيمنا .. أحقأ لن نبدأ ؟!!!

هذا هو كل ما استوقفني في تلك الجملة .. شعرت ببعض التشاؤم فيها و عدت لأتذكر أننا دائما ما نعرف القرار الأصح بعد الوصول لنهاية الأمر .. اذا أهي واقعية أم تشاؤم ؟!!!
لو تخيلنا أننا جميعا نعرف خواتيمنا .. لو هتكلم عن نفسي فقط الآن لو عرفت ما سيحدث لي مستقبلا سواء خيرا أم شرا و تيقنت بحدوثه فإن كان خيرا له سوابق جهد فلن أعمل .. يعني ليه هتعب نفسي !! طالما كده كده اللي بتعب عشانه هيحصل .. و لو فرضنا شرا سيحدث فالغالب سأصاب بنوعا من الاحباط سيعود بي أيضا لعدم العمل و اضافة عليه التعاسة ترقبا لتلك النهاية البعيدة و ربما لو كنت ستألم وقتها اذا لم اعلم بها مسبقا يومان فالأن سيظل الألم صاحبا لحين وقوعها ..
ما أجملك يا نذار .. اختصر كل هذا الرغي في بضع كليمات ليتغني بها حليم و نطرب نحن بها و ربما تستوقفنا فندرك حينها عظمة الله و جميل حكمته ..

إسراء حامد

--------------------

من أغنية " رسالة من تحت الماء " للفنان الجميل عبد الحليم حافظ .

خلف نافذتي

خلف نافذتي

في حجرتي المظلمة القديمة ..
اتأمل تلك الستائر المسدلة ..
خلف نافذتي الزجاجية ..

أنظف حجرتي من بقايا خريف قديم ..
اتخلص من تلك القصاصات القديمة ..
أكسّر تلك البراويز الخاوية ..
أبدلها ببعض لوحاتي السيريالية ..

أمسك فرشاتي ..
و أطلي الجدران بألوان ناريّة ..

أجمّع كل الآلام القديمة ..
أجعلها وقودا لمدفأتي الزجاجية ..

أعود لنافذتي ..
أقطع تلك الستائر البالية ..
أكسر ذلك الزجاج الأسود ..
أفتح نافذتي أخيرا لتطل علي شتـــاء ..

لا ألبث حتي يختفي ذلك الصمت الكئيب ..
يمطرني الشتاء بأمطاره الحانية ..
تجتاحني رعشات دفء هذا الصقيع ..
أستمتع بهدوء طلقات الرعد المدوية ..

ما أجمل ذلك الشتاء ..
بثلوجه الدافئة و شمسه الثلجية ..

كم انتظرتك أيها الشتاء ..
كم اشتاق لدفء صقيعك ..
لنور ليلك ..
لشعاع شمسك ..
كم أعشق تلك الأمطار ..
رحيقها .. صمتها ..
صراخها .. و فرحها ..
أنينها .. و لهوها ..

كم أشتاق إليك أيها الشتاء ..
لأنثر بضعا من تلك اللآلئ في سمائك ..
علي الحياة فتزداد بهاءا ..
و ألون جدراني بألوان زهورك ..
و أعطر ثيابي برحيق أمطارك ..
حقا .. كم أشتاق إليك ..

تنتظر الزهور و الأشجار و معها كثير من الكائنات الأخري الشتاء كل عام لتحيا معه أروع قصة حب تشهدها الحياة ..
ننتظر نحن الربيع دائما ..
ربما طال انتظارنا كثيرا ..
و ربما قد يطول مدي الحياة ..
( حتي في هذا الاختيار كانت تلك الكائنات أكثر ذكاءا منـّا .. )
فلننتظر و لننتظر كثيرا ..
أو لنكسر تلك النوافذ و نحيا الآن علي رحيق أمطار الشتاء ..

Esraa Hamed
16/10/2008

عزيزة و زغلول ...

عزيزة و زغلول ...

اعتدت الاستيقاظ علي زقزقاتهما يشعراني بروح الحياة .. طالما رأيت فيهما معاني لم أكن ألمسها قبل معرفتهما .. عزيزة و زغلول عصفوراي الجميلان .. كنت استمتع بهما دائما .. ربما كنت أشاركهما حياتهما الصغيرة كما ينثران البهجة علي حياتي .. ما أجملهما ما أرق شجاراتهما .. يتعانفان طويلا و في بضع ثوينات يبادر زغلول برقته العصفورية يقفز ليصالحها ببضع حبات من الدنيبة و بضع لمسات حانية من جناحه الصغير ..
يفرحان .. يلعبان .. يقفزان .. يتناقران و يتصالحان .. حياتهما الصغيرة المليئة بكل المعاني أعجز فعلا عن وصفها بكل تفاصيلها ..
استيقظت مرة لأصبح عليهما كعادتي .. لم استمع ذلك اليوم لأصواتهما الجميلة .. فوجئت بعزيزة وحيدة يكاد صمتها يبكي و باب القفص مفتوح !!
ليه كده يا زغلول بقي تسيب عزيزة لوحدها و تطير عشان الباب اتفتح .. اكيد كان نفسك تاخدها معاك .. بس نقول ايه بقي ..
كانت صدمة لي بالفعل .. و قررت أن آتي بعصفور جديد لعصفورتي الجميلة لا أريدها وحيدة هكذا .. تركتها مع عصافير صديقتي إلي أن اتي لها بعصفور بالغد .. لم يكتمل اليوم حتي وجدت اتصالا من سارة بتقولي "هقولك حاجة و متزعليش " قلتلها عزيزة ماتت صح ؟!!!
سبحان الله فعلا .. يمكن ده كان من أصعب الأيام اللي مرت عليا ..
من ساعتها لم استمع لتلك الزقزقات ..

وحشوني اوي بجد !!!